100 ટનથી વધુ સોનું બ્રિટનથી ભારત પરત લાવશે RBI, 1991 પછી પ્રથમવાર થશે આવું

1991 પછી આ પ્રથમ વખત છે જ્યારે ભારતમાં આટલા મોટા પાયે સોનું આવ્યું છે. સરકારી સૂત્રોનું કહેવું છે કે આગામી મહિનામાં વધુ સોનું ભારતમાં આવી શકે છે

પ્રતિકાત્મક તસવીર ( Image Source :PTI )

રિઝર્વ બેન્ક ઓફ ઈન્ડિયા (RBI) બ્રિટનથી 100 ટનથી વધુ સોનું ભારતમાં લાવી છે! 1991 પછી આ પ્રથમ વખત છે જ્યારે ભારતમાં આટલા મોટા પાયે સોનું આવ્યું છે. સરકારી સૂત્રોનું કહેવું છે કે આગામી મહિનામાં વધુ સોનું ભારતમાં આવી શકે છે. આ સોનું ભારતમાં અલગ-અલગ સ્થળોએ રાખવામાં આવશે, જેનાથી સોનાની સુરક્ષામાં વધુ સુધારો થશે.

માર્ચ 2023ના ડેટા અનુસાર, RBI પાસે કુલ 822.1 ટન સોનું છે, જેમાંથી 413.8 ટન વિદેશમાં રાખવામાં આવ્યું છે. RBI છેલ્લા કેટલાક વર્ષોથી સોનાની ખરીદી કરી રહી છે અને ગયા નાણાકીય વર્ષમાં તેણે 27.5 ટન સોનું ખરીદ્યું હતું.

ઘણા દેશોની સેન્ટ્રલ બેન્કો તેમનું સોનું બેન્ક ઓફ ઈંગ્લેન્ડમાં રાખે છે. ભારત પણ આમાંથી એક છે. ભારતનું કેટલું સોનું આઝાદી પહેલાથી લંડનમાં રાખવામાં આવ્યું છે. એક અધિકારીએ જણાવ્યું હતું કે, "આરબીઆઈએ થોડા વર્ષો પહેલા સોનું ખરીદવાનું શરૂ કર્યું હતું અને નક્કી કર્યું હતું કે તેને ક્યાં સંગ્રહિત કરવો. વિદેશમાં સોનાનો સ્ટોક વધી રહ્યો હોવાથી થોડુંક સોનું ભારતમાં લાવવાનો નિર્ણય લેવામાં આવ્યો હતો."

1991માં ચંદ્રશેખર સરકારે પેમેન્ટ કટોકટીનો સામનો કરવા માટે સોનું ગીરવે મૂક્યું હતું. તેથી જ ઘણા ભારતીયો માટે સોનું એ ભાવનાત્મક વિષય છે. જોકે, RBIએ લગભગ 15 વર્ષ પહેલા IMF પાસેથી 200 ટન સોનું ખરીદ્યું હતું. ત્યારથી આરબીઆઈ સતત સોનાની ખરીદી કરી રહી છે.

એક સૂત્રએ કહ્યું, "આ ભારતની અર્થવ્યવસ્થાની તાકાત અને આત્મવિશ્વાસ દર્શાવે છે. આ 1991ની સ્થિતિથી સંપૂર્ણપણે અલગ છે." ભારત પોતાની અર્થવ્યવસ્થાને મજબૂત કરવા માટે દરેક પગલાં લઈ રહ્યું છે. ભારતમાં સોનું પરત આવવું એ દેશના આર્થિક સ્વાસ્થ્યની મજબૂત નિશાની છે.