LIC ની આ સ્કીમ છે સુપરહિટ, રોજ 45 રુપિયાનું રોકાણ કરી બનાવી શકશો 25 લાખ રુપિયા
દેશની સૌથી મોટી વીમા કંપની લાઇફ ઇન્સ્યોરન્સ કોર્પોરેશન ઓફ ઇન્ડિયા એટલે કે LICમાં ઘણા લોકો મોટું ફંડ બનાવવા માટે રોકાણ કરે છે.
LIC Jeevan Anand: દેશની સૌથી મોટી વીમા કંપની લાઇફ ઇન્સ્યોરન્સ કોર્પોરેશન ઓફ ઇન્ડિયા એટલે કે LICમાં ઘણા લોકો મોટું ફંડ બનાવવા માટે રોકાણ કરે છે. તેમાં રોકાણ કરવાથી જીવનમાં કંઇક અનિચ્છનીય ઘટના બને તો પરિવારને પૈસા મળે છે જેનો ઉપયોગ તેઓ તેમના જીવનનિર્વાહ માટે કરી શકે છે. જો કે, ઘણા લોકો એલઆઈસીમાં રોકાણ કરવાથી દૂર રહે છે.
કારણ કે તેમને લાગે છે કે તેનું પ્રીમિયમ ઘણું વધારે છે. LIC તમામ ઉંમરના લોકો માટે પોલિસી પ્રદાન કરે છે. LIC ની જીવન આનંદ પોલિસી નામની આવી એક યોજના છે જેમાં તમે દરરોજ માત્ર 45 રૂપિયાની બચત કરીને 25 લાખ રૂપિયાનું જંગી ફંડ જમા કરાવી શકો છો. આવી સ્થિતિમાં, ચાલો તેના વિશે જાણીએ.
લાંબા ગાળાના રોકાણ માટે સ્કિમ શ્રેષ્ઠ છે
LIC ની નવી જીવન આનંદ પોલિસી એક સહભાગી યોજના છે. તે બચતની સાથે સુરક્ષા પણ આપે છે. આ જીવન આનંદ પોલિસીનું અપગ્રેડેડ વર્ઝન છે. આ યોજના લાંબા ગાળે મજબૂત વળતર આપવા માટે જાણીતી છે. આ પોલિસીમાં રોકાણ કરીને તમે માત્ર ગેરંટી સાથે વળતર જ નહીં મેળવી શકો પરંતુ વધારાના લાભો પણ મેળવી શકો છો. આ ઉપરાંત, તમારી પાસે પ્રીમિયમ ચુકવણી માટે ઘણા વિકલ્પો પણ ઉપલબ્ધ હશે.
45 થી 25 લાખ રૂપિયા સુધીનું ફંડ કેવી રીતે બનાવવું ?
આ પોલિસી દર મહિને 1,358 રૂપિયા જમા કરીને 35 વર્ષમાં 25 લાખ રૂપિયા જમા કરવાની તક આપે છે. આનો અર્થ એ છે કે તમારે દરરોજ 45 રૂપિયા જમા કરાવવા પડશે. આનો અર્થ એ છે કે તમારે 15 થી 35 વર્ષની વચ્ચે લાંબા સમય સુધી રોકાણ કરવું પડશે. આ પ્લાનમાં બે બોનસ સામેલ છે.
જેમાં કુલ 5,70,500 રૂપિયાની જમા રકમ અને 35 વર્ષ પછી રૂપિયા 5 લાખની મૂળભૂત વીમા રકમનો સમાવેશ થાય છે. પાકતી મુદત પર, પોલિસી ધારકને જમા રકમ ઉપરાંત રૂ. 8.60 લાખનું રિવાઇઝર બોનસ અને રૂ. 11.50 લાખનું અંતિમ બોનસ મળે છે. આ બોનસ મેળવવા માટે પોલિસી ધારકે ઓછામાં ઓછા 15 વર્ષ માટે રોકાણ કરવું પડશે.
Disclaimer: (અહીં આપેલી માહિતી ફક્ત જાણકારી માટે જ આપવામાં આવી રહી છે. અહીં એ નોંધવું જરૂરી છે કે બજારમાં રોકાણ બજારના જોખમોને આધીન છે. રોકાણકાર તરીકે નાણાંનું રોકાણ કરતા પહેલા હંમેશા નિષ્ણાતની સલાહ લો. ABPLive.com કોઈને પણ અહીં ક્યારેય નાણાંનું રોકાણ કરવાની સલાહ આપતું નથી.)
ટ્રેન્ડિંગ સમાચાર
ટોપ સ્ટોરી
