Biperjoy : વાવાઝોડામાં અપાતા 1 થી 11 નંબરના સિગ્નલ હોય છે શું? કેવી રીતે કરે છે કામ?
કંડલા પોર્ટ પર 10 નંબરનું સિગ્નલ લગાવવામાં આવ્યું છે, જ્યારે કંડલા પોર્ટ પર 10 નંબરનું સિગ્નલ લગાવવામાં આવ્યું છે.
Cyclone Signals Number : અરબી સમુદ્રમાં ચક્રવાતી તોફાન 'બિપરજોય' હવે ગંભીર બની ગયું છે. જેના કારણે ભારતથી પાકિસ્તાન સુધી એલર્ટ જારી છે. હાલ તો સૌથી વધુ ખતરો ગુજરાત પર મંડરાઈ રહ્યો છે. ચક્રવાત ફુંકાવવાની સ્થિતિમાં હવામાન વિભાગ દ્વારા જુદા જુદા સિગ્નલ લગાવવામાં આવે છે. પરંતુ આ સિગ્નલ હોય છે શું અને કેવી રીતે કામ કરે છે તે સમાન્ય માણસની સમજણ બહાર હોય છે. જેની આજે વિગતે ચર્ચા કરીએ.
કંડલા પોર્ટ પર 10 નંબરનું સિગ્નલ લગાવવામાં આવ્યું છે, જ્યારે કંડલા પોર્ટ પર 10 નંબરનું સિગ્નલ લગાવવામાં આવ્યું છે. તેવી જ રીતે મુંદ્રા અને માંડવી બંદર પર 9 નંબરનું સિગ્નલ લગાવવામાં આવ્યું છે. જેનો અર્થ થાય છે ખૂબ જ તીવ્ર ચક્રવાત. જેના માટે દરેકને સાવચેત રહેવાની જરૂર છે.
ચક્રવાતના સંકેતો સંખ્યાઓમાં અપાય છે
ઉલ્લેખનીય છે કે, ચક્રવાતી સંકેત નંબરો દ્વારા જણાવવામાં આવે છે. હવામાન વિભાગ દરેક પોર્ટ પર આ અંગેની માહિતી મોકલે છે. IMD દેશના દરેક પોર્ટ પર દિવસમાં ત્રણથી ચાર વખત ચક્રવાતના અપડેટ્સ મોકલે છે. ત્યારબાદ પોર્ટ દરિયાઈ જહાજોને નંબરો દ્વારા અથવા ચોક્કસ પ્રતીકો દ્વારા સંકેતો આપે છે.
કેટલીક જગ્યાએ પ્રતીકોનો ઉપયોગ
ભારતમાં ચક્રવાતના સંકેતો બે રીતે આપવામાં આવે છે. કેટલાક બંદરો નંબરો દ્વારા ચેતવણીઓ આપે છે. જ્યારે કેટલાક સ્થળોએ દીવા, સિલિન્ડર અને શંકુ જેવા પ્રતીકોનો ઉપયોગ કરવામાં આવે છે. રાતની ચેતવણી માટે લાલ દીવો અને દિવસ માટે સફેદ દીવો વપરાય છે.
સાયક્લોન સિગ્નલને અગિયાર કેટેગરીમાં વહેંચવામાં આવ્યા
દેશના મોટાભાગના બંદરો પર સિગ્નલ હવે નંબરો દ્વારા સૂચવવામાં આવે છે. જેને એકથી 11 સુધી વિભાજિત કરવામાં આવે છે.
જાણો વિગતવાર
સિગ્નલ 1: આ સિગ્નલમાં ચક્રવાતનો ખતરો ખૂબ જ નજીવો છે પરંતુ તે જહાજોને જારી કરવામાં આવે છે. કારણ કે ચક્રવાતને કારણે ખૂબ વરસાદ અને ભારે પવન ફુંકાય છે.
સિગ્નલ 2: ચક્રવાત દરમિયાન પવનની ઝડપ 60-90 કિમી પ્રતિ કલાકની આસપાસ હોય ત્યારે તે જારી કરવામાં આવે છે. આ મુખ્યત્વે જહાજોને બંદરની બાજુઓથી દૂર જવા માટે લાગુ પડે છે.
સિગ્નલ 3: ચક્રવાત દરમિયાન પવનની ઝડપ 40-50 કિમી પ્રતિ કલાક હોય ત્યારે તે જારી કરવામાં આવે છે.
સિગ્નલ 4: ચક્રવાત દરમિયાન પવનની ગતિ 50-60 કિમી પ્રતિ કલાક હોય અને તે દરમિયાન બંદરોમાં ઉભેલા જહાજો માટે જોખમ હોય ત્યારે તે જારી કરવામાં આવે છે.
સિગ્નલ 5: જ્યારે ચક્રવાત દરમિયાન પવનની ગતિ 60-80 કિમી પ્રતિ કલાકની હોય અને તોફાન ડાબી બાજુથી બંદરો પર ટકરાય કરે ત્યારે તે જારી કરવામાં આવે છે.
સિગ્નલ 6: ચક્રવાત દરમિયાન પવનની ગતિ 60-80 કિમી પ્રતિ કલાક હોય ત્યારે તે જારી કરવામાં આવે છે પરંતુ તેમાં વાવાઝોડું જમણી બાજુથી બંદર પર પ્રહાર કરી શકે છે.
સિગ્નલ 7: આ તોફાન માટે લાગુ પડે છે જે બંદરને સંપૂર્ણપણે આવરી લે છે અને ભારે વરસાદની અપેક્ષા છે.
સિગ્નલ 8: ચક્રવાત દરમિયાન પવનની ઝડપ 90 થી 120 કિમી પ્રતિ કલાક હોય ત્યારે તે જારી કરવામાં આવે છે અને તે ખૂબ જોખમી હોઈ શકે છે.
સિગ્નલ 9: આ ચેતવણી ત્યારે જારી કરવામાં આવે છે જ્યારે ચક્રવાત ખૂબ જ ખતરનાક હોય છે. આ સમય દરમિયાન પવન 120 કિમી પ્રતિ કલાક કે તેથી વધુની ઝડપે આગળ વધે છે અને જમણી બાજુથી બંદર સાથે ટકરાય છે.
સિગ્નલ 10: આ સિગ્નલ ત્યારે જ લાગુ પડે છે જ્યારે ચક્રવાત 130-140 kmph કે તેથી વધુની ઝડપે આગળ વધી રહ્યું હોય, આ ખૂબ જ ખતરનાક સ્થિતિ છે.
સિગ્નલ 11: આ સિગ્નલ એવી સ્થિતિ છે જ્યારે સંદેશાવ્યવહારના તમામ માધ્યમો નિષ્ફળ ગયા હોય અને વાવાઝોડાએ બંદરને સંપૂર્ણપણે હાઇજેક કરી લીધું હોય.
ટોપ સ્ટોરી
ટ્રેન્ડિંગ સમાચાર
