Christmas 2025: અસલી ક્રિસમસનું ઝાડ કયુ હોય છે, અને ક્યાં ઉગે છે ? અહીં જાણો

Christmas Tree: ખ્રિસ્તી ધર્મના લોકો માટે નાતાલનો દિવસ મોટો દિવસ છે. આ દિવસને ઈસુ ખ્રિસ્તના જન્મદિવસ તરીકે ઉજવવામાં આવે છે

(તસવીર- એબીપી લાઇવ)

Source : એબીપી લાઇવ

Christmas Tree: આજે નાતાનનો તહેવાર છે, આ નાતાલના અવસર પર 25 મી ડિસેમ્બરે અમે તમને ક્રિસમસ ટ્રી વિશે માહિતી આપી રહ્યાં છીએ, આ દિવસોમાં ક્રિસમસ ટ્રીને ખૂબ શણગારવામાં આવે છે. ક્રિસમસ ટ્રીને સજાવવા માટે રંગબેરંગી લાઇટ્સ, ગિફ્ટ્સ, રિબન અને બીજી ઘણી વસ્તુઓનો ઉપયોગ કરવામાં આવે છે. પરંતુ મોટાભાગની જગ્યાએ આ વૃક્ષો કૃત્રિમ છે. આ વૃક્ષનું નામ શું છે અને તે ક્યાં ઉગે છે?

ખ્રિસ્તી ધર્મના લોકો માટે નાતાલનો દિવસ મોટો દિવસ છે. આ દિવસને ઈસુ ખ્રિસ્તના જન્મદિવસ તરીકે ઉજવવામાં આવે છે. આ દિવસે લોકો પ્રાર્થના કરવા માટે ચર્ચમાં જાય છે. લોકો આ દિવસને ધામધૂમ અને ઉત્સાહથી ઉજવે છે. આ દિવસે સાંતાક્લૉઝ અને ક્રિસમસ ટ્રી આ દિવસનો મહત્વપૂર્ણ ભાગ માનવામાં આવે છે. નાતાલના દિવસે સાન્તાક્લૉઝ બાળકોને ભેટ આપે છે. નાતાલના દિવસે લોકો પાર્ટી કરવા માટે ભેગા થાય છે અને તેમના ઘરને શણગારે છે.

ઘરને સજાવવા માટે લોકો ક્રિસમસ ટ્રી લગાવે છે અને તેને ગિફ્ટ, બેલ્ટ, લાઇટ અને કૉટન સ્નૉ બનાવીને ખૂબ જ સારી રીતે શણગારે છે. તેઓ સાન્તાક્લૉઝ અને ક્રિસમસ ટ્રીના સ્ટીકરો પણ લગાવે છે અને ઘણી રીતે શણગારે છે, પરંતુ આ બધામાં સૌથી મહત્વપૂર્ણ ક્રિસમસ ટ્રી છે. ઓફિસ, સ્કૂલ અને શૉપિંગ મોલમાં પણ ક્રિસમસ ટ્રી સજાવવામાં આવે છે.

તમે નોંધ્યું હશે કે, નકલી એટલે કે કૃત્રિમ ક્રિસમસ ટ્રી લગભગ બધી જ જગ્યાએ વાવવામાં આવે છે. આવી સ્થિતિમાં ઘણા લોકોને આ વૃક્ષ વિશે જાણવાની ઈચ્છા હોય છે. આજે અમે તમને ક્રિસમસ ટ્રી સાથે જોડાયેલી ખાસ વાતો જણાવીશું કે આ વૃક્ષ શું છે અને તે ક્યાં ઉગે છે.

ક્રિસમસ ટ્રી - 
વાસ્તવિક ક્રિસમસ ટ્રી 'ફિર' પ્રજાતિનું છે, જે મુખ્યત્વે ઠંડા અને સમશીતોષ્ણ પ્રદેશોમાં ઉગે છે, એટલે કે જ્યાં હવામાન ખૂબ ગરમ કે ખૂબ ઠંડું નથી. તેને ક્રિસમસ ટ્રી અથવા ટ્રી તરીકે ઓળખવામાં આવે છે. નાતાલને હિન્દીમાં પાઈન ટ્રી કહે છે. આ વૃક્ષોના ઘણા પ્રકાર છે, જેમાંથી ડગ્લાસ ફિર, વર્જિનિયા પાઈન, ફ્રેઝર ફિર, બાલસમ ફિર, વ્હાઇટ સ્પ્રૂસ, કોલૉરાડો સ્પ્રૂસ અને નૉર્વે સ્પ્રૂસ ખૂબ પ્રખ્યાત છે. 'નૉર્વેજીયન ફિર', 'બ્લૂ સ્પ્રૂસ' અને 'બાલસમ ફિર' નાતાલની સજાવટ માટે સૌથી વધુ ઉપયોગમાં લેવાય છે.

ક્યા ઉગે છે ક્રિસમસ ટ્રી ?
ક્રિસમસ ટ્રી માટે સ્પ્રૂસ, પાઈન અને દેવદાર જેવા સદાબહાર વૃક્ષોનો ઉપયોગ કરવામાં આવે છે. આ વૃક્ષો ઠંડા વિસ્તારોમાં જોવા મળે છે. આ વૃક્ષો મોટાભાગે હિમાલયના પ્રદેશોમાં જોવા મળે છે. સદાબહાર દેવદારના વૃક્ષો હિમાચલ પ્રદેશ, ઉત્તરાખંડ, જમ્મુ અને કાશ્મીરમાં જોવા મળે છે. શિમલા, ડેલહાઉસી, દેહરાદૂનમાં ચકરાતામાં પણ જોવા મળે છે, આ સિવાય કેનેડા અને યૂનાઇટેડ સ્ટેટ્સ ઑફ અમેરિકામાં અને ઠંડા સ્થળોએ બાલસમ ફિર અને અન્ય પ્રકારના ફિર વૃક્ષો ઉગે છે.

આ પણ વાંચો