કેનેડા જનારા વિદ્યાર્થીઓ માટે માઠા સમાચાર, આ નિયમ થયો વધુ કડક, સ્ટુડન્ટ વિઝામાં 30થી 40 ટકા ઘટાડાનો અંદાજ

સવાલ એ થાય છે કે કેનેડાની સરકારે વિઝા આપવાના નિયમો કેમ વધુ કડક બનાવ્યા છે? તેનું કારણ મોટી સંખ્યામાં ત્યાં આવતા વિદ્યાર્થીઓને પડતી સમસ્યાઓ સાથે સંબંધિત છે. તેની અસર ત્યાંના આવાસ-બજારો પર દેખાઈ રહી છે.

પ્રતિકાત્મક તસવીર

Canada Student Visa: સ્ટુડન્ટ વિઝા પર કેનેડા જતા યુવકો માટે મોટા સમાચાર સામે આવ્યા છે. કેનેડા ફેડરલ ગવર્મેન્ટે સ્ટુડન્ટ વિઝાના નિયમો વધુ કડક કર્યા છે. હવે કેનેડાના પ્રોવેન્સ એટલે કે રાજ્યોએ આપવો પડશે લેટર ઓફ એક્સટેમ્પન્સ. જો કે આ પહેલા જે તે રાજ્યોમાં આવેલી કોલેજ અથવા યુનિવર્સિટી લેટર આપતી હતી અને એક વર્ષની ફી એડવાન્સ ભરવાની સામે લેટર મળી જતો હતો. પરંતુ હવે નિયમોમાં ફેરફાર કરવામાં આવ્યો છે. સાથે જ એડમિશનની પણ મહત્તમ મર્યાદા નક્કી કરાઇ છે. નવા નિયમોની સૌથી વધુ અસર ગુજરાતી અને પંજાબના વિઝા વાંચ્છુકોને અસર થશે અને સ્ટુડન્ટ વિઝામાં પણ 30થી 40 ટકાના ઘટાડાનો અંદાજ છે.

થોડા સમય પહેલા પણ કેનેડા સરકારે સ્ટુડન્ટ વિઝા આપવાના નિયમો કડક બનાવ્યા હતા. જેની સીધી અસર તે ભારતીય વિદ્યાર્થીઓ પર પડી શકે છે જેમને અભ્યાસ માટે કેનેડા જવું પડે છે. કેનેડાના ઇમિગ્રેશન પ્રધાન માર્ક મિલરે જાહેરાત કરી હતી કે 1 સપ્ટેમ્બર, 2024 થી શરૂ થતા શૈક્ષણિક સત્ર માટે વિદ્યાર્થી વિઝામાં 35% ઘટાડો કરવામાં આવ્યો છે. વર્ષ 2023માં ત્યાં 5 લાખ 79 હજાર વિઝા આપવામાં આવ્યા હતા. પરંતુ નવા નિયમો હેઠળ આ વર્ષે આ સંખ્યા ઘટીને 3 લાખ 64 હજાર થઈ જશે.

સવાલ એ થાય છે કે કેનેડાની સરકારે વિઝા આપવાના નિયમો કેમ વધુ કડક બનાવ્યા છે? તેનું એક કારણ મોટી સંખ્યામાં ત્યાં આવતા વિદ્યાર્થીઓને પડતી સમસ્યાઓ સાથે સંબંધિત છે. તેની અસર ત્યાંના આવાસ અને બજારો પર દેખાઈ રહી છે. મંત્રી માર્ક મિલરે ટ્વીટ કરીને માહિતી આપી છે કે આ પ્રતિબંધ આગામી બે વર્ષ સુધી રહેશે કારણ કે નવા નિયમો 2025માં આવશે. આ સિવાય પોસ્ટ-ગ્રેજ્યુએશન વર્ક પરમિટ પ્રોગ્રામ (PGWP)માં ફેરફારની પણ જાહેરાત કરવામાં આવી હતી. PGWP આંતરરાષ્ટ્રીય વિદ્યાર્થીઓને તેમનો અભ્યાસ પૂર્ણ કર્યા પછી કેનેડામાં કામ કરવાની મંજૂરી આપે છે.

માર્ક મિલરે માહિતી આપી છે કે સપ્ટેમ્બર 2024 થી, પોસ્ટ-ગ્રેજ્યુએશન વર્ક પરમિટ પ્રોગ્રામ (PGWP) કોર્સ લાયસન્સિંગ વ્યવસ્થા (એટલે ​​​​કે, જાહેર-ખાનગી સંસ્થા મોડેલ) હેઠળ અભ્યાસ કરતા વિદ્યાર્થીઓને આપવામાં આવશે નહીં. તેમણે એમ પણ કહ્યું કે આ સિવાય આગામી સપ્તાહોમાં એમએ અને ડોક્ટરલ પ્રોગ્રામ માટે આંતરરાષ્ટ્રીય વિદ્યાર્થીઓના જીવનસાથીઓને વર્ક પરમિટ આપવામાં આવશે નહીં.

કેનેડિયન મીડિયાએ મંત્રી માર્ક મિલરને ટાંકીને કહ્યું કે આંતરરાષ્ટ્રીય વિદ્યાર્થીઓના પ્રવેશને મર્યાદિત કરવાની જરૂર છે જેથી કેનેડિયન બજાર અને જીવનશૈલી પર વધુ દબાણ અને અસર ન પડે. મંત્રીએ સોશિયલ મીડિયા પર લખ્યું કે કેનેડાની જવાબદારી છે કે તે સુનિશ્ચિત કરે કે આંતરરાષ્ટ્રીય વિદ્યાર્થીઓ અહીં સારી રીતે જીવી શકે અને તેમની સુધારણા તરફ પગલાં લઈ શકે.