જો તમે લાંબા વાળ રાખવા ઈચ્છો છો તો આ જરૂરી વિટામિનને ડાયટમાં સામેલ કરો

પ્રતિકાત્મક તસવીર

લાંબા વાળ કોઈપણ સ્ત્રીની સુંદરતામાં વધારો કરે છે. જો તમે પણ લાંબા વાળ ઈચ્છો છો તો તમારે તમારા આહારમાં કેટલાક જરૂરી વિટામિન્સ સામેલ કરવા જોઈએ.

જો તમારા વાળ વધી રહ્યા નથી, તો આવા ખોરાકને આહારમાં સામેલ કરવા જોઈએ, જેથી વાળનો વિકાસ સારો થાય. વાળ ઉગાડવા માટે ખાવા-પીવા પર સૌથી વધુ ધ્યાન આપો.

વિટામિન E વાળને અંદરથી સ્વસ્થ રાખે છે. તેનાથી બ્લડ સર્ક્યુલેશન પણ સારું રહે છે. આ વાળના મૂળને મજબૂત બનાવે છે અને તૂટતા અટકાવે છે. વિટામિન ઈ માટે સૂર્યમુખીના બીજ, બદામ, પાલક અને એવોકાડો ખાઈ શકાય છે.

વિટામિન ડી વાળના વિકાસ માટે સારું છે. વિટામિન ડી મૂળને મજબૂત બનાવે છે. વિટામિન ડીની ઉણપથી ટાલ પડી શકે છે. વિટામિન ડી માટે ફોર્ટિફાઇડ ફૂડ, સોયા મિલ્ક, મશરૂમ્સ, ઈંડાની જરદી ખાઈ શકાય છે.

વિટામિન A વાળના ફોલિકલ્સ માટે સારું છે. આ તમારા વાળને ઝડપથી ખરતા અટકાવી શકે છે. આ માટે તમે પાલક, લીલા શાકભાજી, શક્કરિયા, ગાજર અને કેળા ખાઈ શકો છો.

વિટામિન સી તમારા વાળના વિકાસ માટે સારું છે. તેનાથી વાળ મજબૂત થાય છે. વિટામિન સી વાળમાં ચમક વધારે છે. વિટામિન સી માટે તમે લીંબુ, જામફળ, નારંગી અને આમળા ખાઈ શકો છો.

વિટામિન K ખોપરીના કેલ્સિફિકેશનને અટકાવે છે. તે વાળ ખરતા અટકાવે છે. વિટામીન K સરસવના પાન, સલગમ ગ્રીન્સમાં ભરપૂર માત્રામાં જોવા મળે છે.