IND vs PAK: ટીમ ઈન્ડિયાને પાકિસ્તાન સામે જીતવા 242 રનનો લક્ષ્યાંક, કુલદીપનો કહેર
ભારત સામેની મેચમાં પ્રથમ રમતા પાકિસ્તાને 241 રન બનાવ્યા છે. પાકિસ્તાનની ટીમ ફરી એકવાર ધીમી બેટિંગનો શિકાર બની છે.
Champions Trophy India vs Pakistan Score: ભારત સામેની મેચમાં પ્રથમ રમતા પાકિસ્તાને 241 રન બનાવ્યા છે. પાકિસ્તાનની ટીમ ફરી એકવાર ધીમી બેટિંગનો શિકાર બની છે, સઈદ શકીલની અડધી સદી છતાં પાકિસ્તાનની ટીમ 250ના સ્કોરને પણ સ્પર્શી શકી નથી. પાકિસ્તાનની ટીમ ટૂર્નામેન્ટની પ્રથમ મેચ ન્યૂઝીલેન્ડ સામે હારી ચૂકી છે. હવે ભારત સામે જીતવા માટે 242 રનના લક્ષ્યનો બચાવ કરવો પડશે.
પાકિસ્તાની ટીમની ખરાબ હાલત
દુબઈમાં રમાયેલી આ મેચમાં પાકિસ્તાને ટોસ જીતીને પ્રથમ બેટિંગ કરવાનું પસંદ કર્યું અને આ નિર્ણય દેખીતી રીતે જ ખરાબ સાબિત થયો છે. બાબર આઝમે સારી શરૂઆત કરી હતી, પરંતુ 23 રન બનાવીને આઉટ થઈ ગયો હતો. ઈમામ ઉલ હક પણ માત્ર 10 રન બનાવીને આઉટ થયો હતો. 47 રનમાં 2 વિકેટ પડી ગયા બાદ મોહમ્મદ રિઝવાન અને સઈદ શકીલે મળીને પાકિસ્તાન માટે 104 રન જોડ્યા હતા. શકીલે 62 રનની મહત્વપૂર્ણ ઇનિંગ રમી હતી.
કેપ્ટન મોહમ્મદ રિઝવાનને કારણે પાક ટીમ મુશ્કેલીમાં છે
મોહમ્મદ રિઝવાને 46 રન બનાવ્યા હતા, પરંતુ આટલા રન બનાવવા માટે તેણે 77 બોલ લીધા હતા. ટી20 ક્રિકેટના આ યુગમાં રિઝવાનની 59.74ની સ્ટ્રાઈક રેટથી બેટિંગ પાકિસ્તાન ટીમ માટે મોંઘી સાબિત થઈ છે. આ જ કારણ હતું કે ભારતીય ટીમ આ મેચમાં વાપસી કરવામાં સફળ રહી હતી. ખુશદિલ શાહે ફરી એકવાર પાકિસ્તાન ટીમની ઈજ્જત બચાવવાનું કામ કર્યું અને 38 રનની મહત્વની ઈનિંગ રમી.
Innings Break!
— BCCI (@BCCI) February 23, 2025
A fine bowling display from #TeamIndia and Pakistan are all out for 2⃣4⃣1⃣
3⃣ wickets for Kuldeep Yadav
2⃣ wickets for Hardik Pandya
A wicket each for Axar Patel & Ravindra Jadeja
Over to our batters 🙌
Scorecard ▶️ https://t.co/llR6bWyvZN#PAKvIND |… pic.twitter.com/Xo9DGpaIrX
કુલદીપે તબાહી મચાવી
ભારતીય ટીમ માટે મિડલ ઓવરોમાં કુલદીપ યાદવે વર્ચસ્વ જમાવ્યું હતું. યાદવે 9 ઓવરના સ્પેલમાં 40 રન આપીને 3 વિકેટ લીધી હતી. તેણે પહેલા ફોર્મમાં રહેલા સલમાન આગાની વિકેટ લીધી, જે માત્ર 19 રન બનાવીને આઉટ થયો હતો. તેણે શાહીન આફ્રિદીને પણ ગોલ્ડન ડકનો શિકાર બનાવ્યો હતો અને કુલદીપે 14 રન બનાવીને રમતા નસીમ શાહની ત્રીજી વિકેટ લીધી હતી. તેના સિવાય ભારત તરફથી હાર્દિક પંડ્યાએ બે વિકેટ ઝડપી હતી. હર્ષિત રાણા, અક્ષર પટેલ અને રવિન્દ્ર જાડેજાએ પણ એક-એક વિકેટ લીધી હતી.
ટ્રેન્ડિંગ સમાચાર
ટોપ સ્ટોરી
