KKR vs GT: ગુજરાત ટાઇટન્સે કોલકત્તાને સાત વિકેટથી હરાવ્યું, પોઇન્ટ ટેબલ્સમાં ટોપ પર પહોંચી ટીમ
કોલકાતાએ ગુજરાત સામેની છેલ્લી મેચમાં રોમાંચક જીત નોંધાવી હતી
LIVE
Background
ગુજરાતનો વિજય
ગુજરાત ટાઇટન્સે કોલકાતા નાઇટ રાઇડર્સને તેના ઘરઆંગણે હાર આપી હતી. પ્રથમ બેટિંગ કરતા કોલકત્તાએ ગુજરાતને 180 રનનો ટાર્ગેટ આપ્યો હતો, જેને હાર્દિક પંડ્યાની ટીમે માત્ર ત્રણ વિકેટ ગુમાવીને સરળતાથી હાંસલ કરી લીધો હતો. ગુજરાત તરફથી વિજય શંકરે 24 બોલમાં અણનમ 51 અને ડેવિડ મિલરે 18 બોલમાં અણનમ 42 રન બનાવ્યા હતા.
— KolkataKnightRiders (@KKRiders) April 29, 2023
મિલર અને શંકર વચ્ચે અડધી સદીની ભાગીદારી
ડેવિડ મિલર અને વિજય શંકર વચ્ચે અડધી સદીની ભાગીદારી છે. આ સાથે ગુજરાતની ટીમ જીતની નજીક પહોંચી ગઈ છે. 17 ઓવર પછી ગુજરાતનો સ્કોર ત્રણ વિકેટના નુકસાને 166 રન છે.
ગુજરાતની શાનદાર શરૂઆત
180 રનના ટાર્ગેટનો પીછો કરવા ઉતરેલી ગુજરાત ટાઇટન્સે શાનદાર શરૂઆત કરી હતી. શુભમન ગિલ અને સહાની જોડીએ ટીમને આક્રમક શરૂઆત અપાવી છે. ચાર ઓવર પછી ગુજરાતનો સ્કોર વિના વિકેટે 41 રન છે.
કોલકાતાએ ગુજરાત સામે 180 રનનો લક્ષ્યાંક રાખ્યો
પ્રથમ બેટિંગ કરતા કોલકાતા નાઈટ રાઈડર્સે ગુજરાત ટાઈટન્સ સામે 180 રનનો ટાર્ગેટ આપ્યો છે. ટીમે સાત વિકેટ ગુમાવીને 179 રન બનાવ્યા હતા. રહેમાનુલ્લા ગુરબાઝે સૌથી વધુ 81 રન બનાવ્યા હતા. તેના સિવાય આન્દ્રે રસેલે 34 રનની ઇનિંગ રમી હતી. ગુજરાત તરફથી મોહમ્મદ શમીએ ત્રણ વિકેટ લીધી હતી. નૂર અહેમદ અને જોશુઆ લિટલને બે-બે વિકેટ મળી હતી
કોલકાતાએ પાંચમી વિકેટ ગુમાવી
કોલકાતાની અડધી ટીમ 135 રનના સ્કોર પર પેવેલિયન પરત ફરી ગઈ છે. નૂર અહેમદે રહેમાનુલ્લા ગુરબાઝને આઉટ કરીને કોલકાતાને પાંચમો ઝટકો આપ્યો હતો. ગુરબાઝે 39 બોલમાં 81 રન બનાવ્યા હતા. તેની ઇનિંગમાં સાત સિક્સર અને પાંચ ફોરનો સમાવેશ થાય છે. રસેલની આ 100મી આઈપીએલ મેચ છે.
ટ્રેન્ડિંગ સમાચાર
ટોપ સ્ટોરી
