T20 WC 2022: પાક. અભિનેત્રીએ કહ્યુંઃ 'જો ઝિમ્બાબ્વે ભારતને હરાવશે તો ઝિમ્બાબ્વેના યુવક સાથે લગ્ન કરીશ'

ભારતીય ક્રિકેટ ટીમે ટી-20 વર્લ્ડ કપ 2022માં તેની છેલ્લી મેચ 6 નવેમ્બર રવિવારના રોજ ઝિમ્બાબ્વે સામે રમવાની છે.

સહર શિનવારી (સોર્સ - ટ્વીટર)

T20 World Cup 2022: ભારતીય ક્રિકેટ ટીમે ટી-20 વર્લ્ડ કપ 2022માં તેની છેલ્લી મેચ 6 નવેમ્બર રવિવારના રોજ ઝિમ્બાબ્વે સામે રમવાની છે. જો ઝિમ્બાબ્વે આ મેચ જીતે છે તો પાકિસ્તાનને તેનો ફાયદો મળી શકે છે. પાકિસ્તાની ચાહકો વિવિધ પ્રકારે ઈચ્છી રહ્યા છે કે, ઝિમ્બાબ્વે આ મેચ જીતે. પાકિસ્તાની અભિનેત્રીએ હવે આ વિશે એક અનોખું ટ્વિટ કર્યું છે. સહર શિનવારી નામની અભિનેત્રીએ પોતાના ટ્વીટમાં ઝિમ્બાબ્વેના લોકો સમક્ષ એક ઓફર મૂકી છે.

"...તો હું ઝિમ્બાબ્વેના વ્યક્તિ સાથે લગ્ન કરીશ"

સહર શિનવારીએ તેના ટ્વીટમાં લખ્યું હતું કે, "હું ઝિમ્બાબ્વેના કોઈ વ્યક્તિની સાથે લગ્ન કરીશ જો તેમની ટીમ કોઈ ચમત્કાર કરે અને છેલ્લી મેચમાં ભારતને હરાવી દે." સહર શિનવારી ઈચ્છે છે કે, કોઈ પણ રીતે પાકિસ્તાનની ટીમ સેમિ ફાઈનલમાં પહોંચે જેથી તેણીએ ઝિમ્બાબ્વેના યુવકો સાથે લગ્ન કરવાની આ ખુલ્લી ઓફર આપી છે. સહર શિનવારીનું આ ટ્વીટ વિવિધ સોશિયલ મીડિયા પ્લેટફોર્મ પર વાયરલ થઈ રહ્યું છે અને આ વિચિત્ર ઓફરની ચર્ચા થઈ રહી છે.

I'll marry a Zimbabwean guy, if their team miraculously beats India in next match 🙂

— Sehar Shinwari (@SeharShinwari) November 3, 2022

ભારતે પોતાની ત્રણ મેચ જીતી લીધી છે અને સેમિફાઇનલમાં જવાનો તેનો રસ્તો એકદમ સરળ છે. પાકિસ્તાન માટે મામલો ઊંધો છે અને તેણે સેમિફાઇનલમાં પહોંચવા માટે ઘણા દાવ લગાવવા પડશે. સૌથી પહેલાં પાકિસ્તાને સાઉથ આફ્રિકા સામે ચાલી રહેલી મેચ જીતવી પડશે અને ત્યાર બાદ તેણે પોતાની છેલ્લી મેચ પણ જીતવી પડશે. આ સિવાય તેમને ભારતની હાર અથવા તો દક્ષિણ આફ્રિકાની છેલ્લી મેચમાં હારની અપેક્ષા રાખવી પડશે.

પાકિસ્તાન પોતે ઝિમ્બાબ્વે સામે હારી ગયું હતું

ભલે પાકિસ્તાનના લોકો ઈચ્છતા હોય કે ઝિમ્બાબ્વે ચમત્કારથી ભારતને હરાવી શકે, પરંતુ પાકિસ્તાની ટીમ જ ઝિમ્બાબ્વેનો શિકાર બની હતી. ઝિમ્બાબ્વેએ માત્ર 130 રન બનાવ્યા હોવા છતાં પાકિસ્તાનને હરાવ્યું હતું અને સેમિફાઇનલમાં જવાની તેમની આશાને ઝટકો આપ્યો હતો. ત્યારે હવે રવિવારે જોવું રહ્યું કે, ઝિમ્બાબ્વે ભારતને હરાવી શકે છે કે નહી.