Live AFG vs SL: શ્રીલંકાની ટીમ 201 રન પર ઓલઆઉટ, અફઘાનિસ્તાનને મળ્યો 187 રનનો લક્ષ્યાંક

અફઘાનિસ્તાનના કેપ્ટન ગુલબદીન નૈબે શ્રીલંકા વિરૂદ્ધ ટોસ જીતીને પ્રથમ બોલિંગ કરવાનો નિર્ણય કર્યો છે. બન્ને ટીમોએ આ પહેલા હારનો સામનો કરવો પડ્યો હતો.

નવી દિલ્હીઃ વર્લ્ડકપ 2019માં શ્રીલંકાની ટીમે પ્રથમ બેટિંગ કરતા 36.5 ઓવરમાં 201 રન બનાવી ઓલઆઉટ થઈ ગઈ છે. ત્યારે અફઘાનિસ્તાનને 187 રનનો લક્ષ્યાંક મળ્યો છે.  અફઘાનિસ્તાનને ડકવર્થ લૂઈસ નિયમથી જીત માટે 187 રનનો લક્ષ્યાંક મળ્યો છે. વરસાદના કારણે મેચ રોકવી પડી હતી. વરસાદના કારણે મેચ 41-41 ઓવરની કરવામાં આવી છે. શ્રીલંકા તરફથી  કુશલ પરેરાએ સર્વાધિક 78 રન બનાવ્યા હતા. જ્યારે અફઘાનિસ્તાન  તરફથી મોહમ્મદ નબીએ 4 વિકેટ ઝડપી હતી.  શ્રીલંકા 146 રને 4 વિકેટ ગુમાવી હતી. થીરીમને 25 રન, મેન્ડિસ માત્ર 2 રન અને મેથ્યુસ શૂન્ય રને આઉટ થયો હતો.  કરૂણારત્ને 30 રને આઉટ થયો હતો. વર્લ્ડકપ 2019ના સાતમાં મેચમાં અફઘાનિસ્તાને ટોસ જીતીને પ્રથમ બોલિંગ કરવાનો નિર્ણય કર્યો છે. બન્ને ટીમ પોતાની પ્રથમ જીત માટે મેદાનમાં ઉતરી રહી છે. આ મેચમાં શ્રીલંકાએ પોતાની ટીમમાં એક ફેરફાર કર્યો છે જ્યારે અફઘાનિસ્તાને ટીમમાં કોઈ ફેરફાર કર્યો નથી. અફઘાનિસ્તાનના કેપ્ટન ગુલબદીન નૈબે શ્રીલંકા વિરૂદ્ધ ટોસ જીતીને પ્રથમ બોલિંગ કરવાનો નિર્ણય કર્યો છે. બન્ને ટીમ વચ્ચે આ મેચ કાર્ડિફના સોફિયા ગાર્ડન્સ સ્ટેડિયમમાં રમાઈ રહ્યો છે.