INDvNZ: પ્રથમ વન ડે રમવા મેદાનમાં ઉતરતાની સાથે જ ટીમ ઈન્ડિયાના નામે નોંધાઈ જશે આ રેકોર્ડ, જાણો વિગત

ભારત ન્યૂઝિલેન્ડમાં અંતિમ વન ડે સીરિઝ 2008-09માં જીત્યું હતું. ત્યારે ભારતે પાંચ મેચની સીરિઝ પર 3-1થી કબ્જો કર્યો હતો.

ભારત તેની 1599 મેચમાંથી 713 જીત્યું છે, 615 હાર્યું છે, 11 ટાઈ થઈ છે, 217 ડ્રો રહી છે અને 43 મેચનું કોઈ પરિણામ આવ્યું નથી. બીજી તરફ ન્યૂઝિલેન્ડ આ સીરિઝની ચોથી મેચ રમવાની સાથે જ 1300 આંતરરાષ્ટ્રીય મેચ પૂરી કરી લેશે.

ઓકલેન્ડઃ ભારત ન્યૂઝિલેન્ડ સામે આવતીકાલે પાંચ વન ડે મેચની શ્રેણી પૈકીની પ્રથમ મેચ રમવા ઉતરશે ત્યારે એક અનોખો રેકોર્ડ બનાવશે. ભારતના ક્રિકેટ ઈતિહાસની આ 1600મી મેચ હશે. જેની સાથે જ ભારત કુલ 1600 આંતરરાષ્ટ્રીય મેચ રમનારો ત્રીજો દેશ બની જશે. ઓસ્ટ્રેલિયાએ અત્યાર સુધીમાં કુલ 1854 મેચ અને ક્રિકેટના જન્મદાતા ઇંગ્લેન્ડે 1833 મેચ રમી છે.