Diwali 2023: લાભ પાંચમના દિવસ દરમિયાન આ સમયે રહેશે શુભ મુહૂર્ત, જાણી લો તમે....

દિવાળીના તહેવારો શરૂ થઇ રહ્યાં છે, એક પછી એક દિવાળીના તહેવારો આવી રહ્યાં છે અને તેનું હિન્દુ ધર્મ અને શાસ્ત્રોમાં આગવુ મહત્વ છે

પ્રતિકાત્મક તસવીર

Diwali 2023, Labh Pancham Shubh Muhurat: દિવાળીના તહેવારો શરૂ થઇ રહ્યાં છે, એક પછી એક દિવાળીના તહેવારો આવી રહ્યાં છે અને તેનું હિન્દુ ધર્મ અને શાસ્ત્રોમાં આગવુ મહત્વ છે. દિવાળીના મહાપર્વ પર રિદ્ધિ-સિદ્ધિના દાતા ભગવાન શ્રી ગણેશ અને ધનની દેવી માતા લક્ષ્મીની ખાસ પૂજા કરવામાં આવે છે. માન્યતા છે કે આજના દિવસે માતા લક્ષ્મી પોતાની સવારી લઈને પૃથ્વી પર ભ્રમણ કરવા આવે છે. જેમના સ્વાગત માટે લોકો પોતાના ઘરને માંગલિક પ્રતીકોથી સજાવીને દિવા પ્રગટાવે છે. માન્યતા છે કે દિવાળીની રાત્રે ગણેશ-લક્ષ્મીની વિધિ-વિધાન સાથે પૂજા કરવા પર વ્યક્તિની દરેક આર્થિક મુશ્કેલીઓ દૂર થાય છે અને તેમને ઘર ધન-ધાન્યથી ભરી દે છે. 

આજે અમે તમને અહીં બતાવી રહ્યાં છીએ કે વિક્રમ સંવત 2080ના વર્ષમાં કેવા રહેશે મુહૂર્ત અને ખાસ કરીને લાભ પાંચમ જેને શુભ દિવસ કહેવામા આવે છે, ત્યારે કયા સમયે છે શુભ ચોઘડિયુ અને મુહૂર્ત.... 

લાભ પાંચમના શુભ મુહૂર્ત -
કારતક સુદ-૫ શનિવાર તા.૧૮-૧૧-૨૦૨૩ નવા વર્ષે પેઢી ખોલવા નું મુહર્ત 
સમય : સવારમાં ૦૮-૧૮ થી ૦૯-૪૦(  શુભ ) 
બપોરે  ૧૨-૨૫ થી ૧૩-૪૫ (ચલ) માં પેઢી ખોલવી
વિક્રમ સંવત ૨૦૮૦ માર્ચ એન્ડના ચોપડા ખરીદવાનું પણ મુહૂર્ત

 

દિવાળી પર લક્ષ્મીજીની પૂજા કેમ કરવામાં આવે છે?

વિષ્ણુ પુરાણ અનુસાર, સમુદ્ર મંથન દેવતાઓ અને દાનવો વચ્ચે થયું હતું. આ મંથનમાં વિષની સાથે અનેક દુર્લભ વસ્તુઓ અને દેવી-દેવતાઓ સમુદ્ર મંથનમાંથી નીકળ્યા હતા. માન્યતાઓ અનુસાર, કારતક મહિનાના કૃષ્ણ પક્ષની ત્રયોદશીના રોજ સમુદ્ર મંથન દરમિયાન ભગવાન ધનવંતરી પ્રગટ થયા હતા, તેથી ધનતેરસનો તહેવાર ત્રયોદશીના દિવસે ઉજવવામાં આવે છે અને અમાવસ્યા એટલે કે દિવાળી પર લક્ષ્મીજી પ્રગટ થયા હોવાના કારણે લક્ષ્મીજીની પૂજા કરવામાં આવે છે.

લક્ષ્મીજીની સાથે ગણેશજીની પૂજા શા માટે કરવામાં આવે છે?

પૌરાણિક કથાઓ અનુસાર, એકવાર લક્ષ્મીજીએ શ્રી હરિ (ભગવાન વિષ્ણુ) ને કહ્યું, - હું માણસને સંપત્તિ, સમૃદ્ધિ અને તમામ સુખ પ્રદાન કરું છું, આવી સ્થિતિમાં મારી પૂજા સૌથી મહત્વપૂર્ણ હોવી જોઈએ. શ્રી હરિ સમજી ગયા કે લક્ષ્મીજી અહંકારી બની ગયા છે. શ્રી હરિએ લક્ષ્મીજીને કહ્યું કે તમે બધું સુખ-સમૃદ્ધિ આપો છો, પણ તમે માતૃત્વના સુખથી વંચિત છો અને તેના વિના સ્ત્રીત્વ અધૂરું છે. તમારી પૂજા કેવી રીતે શ્રેષ્ઠ હોઈ શકે? શ્રી હરિની વાત સાંભળીને નિરાશ થયેલા લક્ષ્મીજી દેવી પાર્વતીને મળ્યા અને પોતાનું દુઃખ વ્યક્ત કર્યું. લક્ષ્મીજીના દર્દને અનુભવીને દેવી પાર્વતીના પુત્ર ગણેશજીને દત્તક પુત્ર બનાવ્યો અને તેમને લક્ષ્મીજીને સોંપી દીધા. ભગવાન ગણેશજીને તેમના દત્તક પુત્ર તરીકે પ્રાપ્ત કર્યા પછી, દેવી લક્ષ્મીએ જાહેરાત કરી કે મારી પૂજાનું ફળ ત્યારે જ મળશે જો તેમની સાથે મારા દત્તક પુત્રની પણ પૂજા કરવામાં આવે. એવું કહેવાય છે કે ત્યારથી દિવાળી પર લક્ષ્મીજી અને ગણેશજીની પૂજા એક સાથે કરવામાં આવે છે.

Disclaimer:અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ અવશ્ય લો.