![ABP Premium](https://cdn.abplive.com/imagebank/Premium-ad-Icon.png)
Foloc Acid: કઇ વસ્તુ ખાવાથી મળે છે ફોલિક એસિડ, સ્વાસ્થ્ય માટે શા માટે છે જરૂરી
Folic Acid Benefits:ખોરાકમાં ફોલિક એસિડની માત્રા હોવી ખૂબ જ મહત્વપૂર્ણ છે કારણ કે શરીર તેને જાતે ઉત્પન્ન કરી શકતું નથી. ફોલિક એસિડ શરીરમાં નવા કોષોના નિર્માણ અને જાળવણી માટે ખૂબ જ મહત્વપૂર્ણ છે
![Foloc Acid: કઇ વસ્તુ ખાવાથી મળે છે ફોલિક એસિડ, સ્વાસ્થ્ય માટે શા માટે છે જરૂરી Folic acid rich diet and health benefits of folic acid for strong bones and muscles Foloc Acid: કઇ વસ્તુ ખાવાથી મળે છે ફોલિક એસિડ, સ્વાસ્થ્ય માટે શા માટે છે જરૂરી](https://feeds.abplive.com/onecms/images/uploaded-images/2022/06/07/2f6cdf786a222a949b8e335660a12a66_original.jpg?impolicy=abp_cdn&imwidth=1200&height=675)
Folic Acid Benefits:ખોરાકમાં ફોલિક એસિડની માત્રા હોવી ખૂબ જ મહત્વપૂર્ણ છે કારણ કે શરીર તેને જાતે ઉત્પન્ન કરી શકતું નથી. ફોલિક એસિડ શરીરમાં નવા કોષોના નિર્માણ અને જાળવણી માટે ખૂબ જ મહત્વપૂર્ણ છે.
પોષક તત્વો આપણને ખોરાકમાંથી મળે છે. ફોલિક એસિડ પણ તેમાંથી એક છે. ફોલિક એસિડ એક પોષક તત્ત્વ છે જે નવા કોષોના નિર્માણમાં મદદ કરે છે, હાડકાં અને સ્નાયુઓને મજબૂત બનાવે છે, એનિમિયા અટકાવે છે અને વાળ ખરતા અટકાવે છે. વાળ ખરવાથી બચાવવામાં મદદ કરે છે. આ સિવાય ફોલિક એસિડ શરીરને બીજી ઘણી રીતે ફાયદો કરે છે, જેની યાદી લાંબી છે.
અહીં અમે તમારા માટે એવા ખાદ્યપદાર્થોની યાદી લાવ્યા છીએ, જેને જો તમારા રોજિંદા આહારમાં સામેલ કરવામાં આવે તો ફોલિક એસિડની કમી દૂર થઇ શકે છે અને જેનાથી આપ વધતી ઉમરની અસરને ઘટાડી શકો છો.
આ ફોલિક એસિડ રિચ ફૂડ્સ છે
ડ્રાય ફ્રૂટ
ચણા
અડદ
દાળ
કઠોળ
લીલા પાંદડાવાળા શાકભાજી
આખું અનાજ
મગફળી
ફોલિક એસિડ શા માટે મહત્વપૂર્ણ છે?
- શરીરમાં ફોલિક એસિડની ઉણપને કારણે શરીરમાં ભારેપણું આવે છે, જેના કારણે ચાલવામાં, ઉભા થવામાં, બેસવામાં તકલીફ થાય છે.
- જ્યારે શરીરમાં ફોલિક એસિડ ઓછું હોય છે, ત્યારે વાળ ઝડપથી પાતળા થવા લાગે છે અને ખરવા લાગે છે.
- ફોલિક એસિડની અછતથી હાડકાં અને સ્નાયુઓ નબળા પડી જાય છે.
- લોહીમાં લાલ રક્તકણોની અછતનું કારણ ફોલિક એસિડનું નીચું સ્તર બને છે.
- ફોલિક એસિડની ઉણપને કારણે ડીએનએમાં ફેરફાર થવા લાગે છે જે પાછળથી કેન્સરનું કારણ બની શકે છે.
- ફોલિક એસિડનો અભાવ આપને વધુ થકાવટનો અનુભવ કરાવે છે. .
- ફોલિક એસિડની ઉણપ માંસપેશીઓના દુખાવાની સમસ્યાનું કારણ બને છે.
- ભૂખ ઓછી થવા લાગે છે.
- વજનમાં ઘટાડો થઈ શકે છે.
- પેટ ખરાબ થવા લાગે છે.
- ડિપ્રેશન કે અન્ય માનસિક બીમારીનું જોખમ વધે છે.
ભોજનમાં કેમ ઘટી જાય છે ફોલિક એસિડ
ઉપર સૂચિબદ્ધ મોટાભાગની ખાદ્ય વસ્તુઓ, જ્યારે તે તમારી પ્લેટમાં ન પહોંચે છે, ત્યારે તેમાં ફોલિક એસિડનું પ્રમાણ ખૂબ જ ઓછું થઈ જાય છે. સંશોધન મુજબ, દાળ અને શાકભાજીને રાંધતી વખતે 30 થી 80 ટકા વિટામિન્સ અને ફોલિક એસિડ નષ્ટ થઈ જાય છે. તેથી, શક્ય હોય ત્યાં સુધી, તમારે કાચા શાકભાજીનું સલાડ, ફળો, સૂકા ફળો અને દહીં જેવી ખાદ્ય વસ્તુઓ ખાવી જોઈએ.શાકભાજીને કાપ્યા પછી ક્યારેય ધોવા જોઈએ નહીં.કઠોળને ધોયા પછી એ જ પાણીનો ઉપયોગ કરો જેમાં તમે આ કઠોળને પલાળીને રાખો છો.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)