Covid-19 Symptoms: કોરોનાને લઇને ડોક્ટર્સે કર્યાં લોકોને સચેત, શરીરમાં આ લક્ષણો દેખાય તો ન કરો ઇગ્નોર

Covid-19 Symptoms: કોરોનાને લઇને ડોકટર્સે લોકોને સચેત કર્યાં છે. કેટલાક લક્ષણો દેખાય તો વિના વિલંબે કોરોનાનો ટેસ્ટ કરાવાની સલાહ આપી છે.

પ્રતીકાત્મક તસવીર

Covid-19 Symptoms: કોરોનાને લઇને  ડોકટર્સે લોકોને સચેત કર્યાં છે. કેટલાક લક્ષણો દેખાય તો વિના વિલંબે કોરોનાનો ટેસ્ટ કરાવાની સલાહ આપી છે.

દેશમાં ફરી એકવાર કોરોનાના કેસમાં વધારો નોંધાઈ રહ્યો છે. છેલ્લા બે મહિનાથી કોરોનાના કેસોમાં ઘટાડો જોવા મળી રહ્યો છે, જે અચાનક વધવા લાગ્યો છે. છેલ્લા 24 કલાકમાં દેશમાં સંક્રમણના  3,324 નવા કેસ નોંધાયા છે અને 40 લોકોએ આ વાયરસને કારણે પોતાનો જીવ પણ ગુમાવ્યો છે. દેશની રાજધાની દિલ્હીમાં, સંક્રમિતોની સંખ્યા 1,500 થી વધુ છે. આવી સ્થિતિમાં, કોરોનાના વધતા કેસો સાથે, નવા દર્દીઓમાં કોરોનાના નવા લક્ષણો જોવા મળી રહ્યા છે. આવી સ્થિતિમાં, આરોગ્ય નિષ્ણાતોએ લોકોને આ નવા લક્ષણો વિશે સચેત કર્યાં છે.

નવા કેસમાં બદલાતા કોરોનાના લક્ષણો-

 કોરોનાના વધતા જતા કેસો વચ્ચે રાજધાની દિલ્હીમાં ડોક્ટરોએ જણાવ્યું છે કે, નવા દર્દીઓમાં પેટમાં દુખાવો અને ઝાડાની સમસ્યા જોવા મળી રહી છે. આપને જણાવી દઈએ કે કોરોનાની પહેલી લહેરમાં  દર્દીઓને તાવ, શરદી, શરીરમાં દુખાવો અને માથાનો દુખાવો જેવી સમસ્યાઓ થઈ રહી હતી. ડોકટરોના જણાવ્યા અનુસાર, નવા કોરોના દર્દીઓમાંથી 20 ટકાને ઝાડાની ફરિયાદ છે.  ડોકટરોની સંખ્યા પણ વધુ હોઈ શકે છે. આ સાથે ડોક્ટરોએ એ પણ જણાવ્યું છે કે કેટલાક કોરોના દર્દીઓમાં ડાયેરિયા સિવાય અન્ય કોઈ કોરોના લક્ષણો જોવા મળ્યા નથી.

બાળકોમાં કોરોનાના આ લક્ષણો-

આ સાથે તબીબોનું કહેવું છે કે બાળકોમાં ડાયેરિયાની ફરિયાદ સૌથી વધુ જોવા મળી રહી છે. બાળકો કોઈપણ વાયરલ ચેપથી પીડાતા હોય ત્યારે પણ ઝાડા એ સૌથી સામાન્ય ફરિયાદ રહે છે. આ સાથે કેટલાક દર્દીઓને ઝાડા સાથે પેટમાં દુખાવાની સમસ્યા પણ જોવા મળી રહી છે.

આ લક્ષણોનું પણ ધ્યાન રાખો-

, કેટલાક દર્દીઓને તાવ, શરદી, ઉધરસ, માથાનો દુખાવો અને નબળાઇ જેવા અગાઉના લક્ષણોની સમસ્યા છે. ડોકટરોનું માનવું છે કે ઓમિક્રોનના BA.2 પ્રકારથી સંક્રમિત લોકોને પેટની સમસ્યા હોય છે. આમાંના મોટાભાગના લક્ષણો જેમ કે પેટમાં દુખાવો અને ઝાડા જોવા મળે છે. આ સાથે કેટલાક કોરોના દર્દીઓમાં ઊંઘ ન આવવી, વિચલિત થવું વગેરે જેવી સમસ્યાઓ જોવા મળી શકે છે.

જ્યારે તમને કોરોનાના લક્ષણો દેખાય ત્યારે કરો આ કામ-

ડોકટરોના જણાવ્યા અનુસાર, જો તમને ઉપરોક્ત કોઈપણ સમસ્યાનો સામનો કરવો પડે છે, તો શક્ય તેટલી વહેલી તકે ડૉક્ટરનો સંપર્ક કરો. આ સાથે તમારો કોરોના ટેસ્ટ કરાવો. જ્યારે તમારો કોરોનાનો રિપોર્ટ પોઝિટિવ આવે તો  તમારી જાતને  સૌ પ્રથમ કોરોન્ટાઇન કરો. કોવિડ પ્રોટોકોલનું પાલન કરો. હળવા લક્ષણોમાં ઘરે રહો અને ડૉક્ટરની ઑનલાઇન સલાહ લેતા રહો.