ટોઇલેટ સીટ પર 10 મિનિટથી વધુ કેમ ના બેસવું જોઇએ?, નિષ્ણાંતોએ આપી ચેતવણી

નિષ્ણાતોના મતે, વ્યક્તિએ 10 મિનિટથી વધુ સમય સુધી ટોઇલેટ સીટ પર ન બેસવું જોઈએ.

પ્રતિકાત્મક તસવીર

Source : ફોટોઃ abp live

મોટાભાગના લોકો ટોઇલેટમાં જઇને ફોનનો ઉપયોગ કરે છે અથવા અખબાર વાંચતા હોય છે. વિશ્વમાં આવા ઘણા લોકો હોય છે. પરંતુ શું તમે જાણો છો કે તમારી આ આદત તમને ઘણી બીમારીઓના શિકાર બનાવી શકે છે. નિષ્ણાતોના મતે, વ્યક્તિએ 10 મિનિટથી વધુ સમય સુધી ટોઇલેટ સીટ પર ન બેસવું જોઈએ.

યુનિવર્સિટી ઓફ ટેક્સાસ સાઉથવેસ્ટર્ન મેડિકલ સેન્ટરના કોલોરેક્ટલ સર્જન ડૉક્ટર લાઈ ઝૂએ જણાવ્યું હતું કે આ આદત હેમોરહોઇડ્સ અને નબળા પેલ્વિક સ્નાયુઓનું જોખમ વધારે છે. ડૉક્ટરે કહ્યું કે જ્યારે દર્દીઓ મારી પાસે ફરિયાદ લઈને આવે છે, ત્યારે તેમના બીમાર થવાનું મુખ્ય કારણ ટોઇલેટ સીટ પર વધુ સમય સુધી બેસી રહેવાનું હોય છે.

વધુ સમય સુધી બેસી રહેવાથી ખતરનાક બીમારીઓ થઈ શકે છે

સ્ટોની બ્રુક મેડિસિનમાં મેડિસિનના આસિસ્ટન્ટ પ્રોફેસર અને ઈન્ફ્લેમેટરી બાઉલ ડિસીઝ સેન્ટરના ડાયરેક્ટર ડૉક્ટર ફરાહ મોંઝૂરે ભાર મૂક્યો હતો કે લોકોએ ટોઈલેટમાં 5 થી 10 મિનિટથી વધુ સમય પસાર કરવો જોઈએ નહીં. ફરાહે વધુમાં કહ્યું કે લાંબા સમય સુધી બેસી રહેવાથી પેલ્વિક એરિયા પર વધુ દબાણ આવે છે, જેનાથી એનલના સ્નાયુઓ નબળા પડવા અને પેલ્વિક ફ્લોર ડિસફંક્શન જેવી બીમારીઓ થઈ શકે છે.

ટોઇલેટ સીટ ઓવલ શેપની હોય છે જેના કારણે બટ કમ્પ્રેસ થઈ જાય છે અને રેક્ટમની પોઝિશન ખૂબ નીચી થઈ જાય છે. ગ્રેવિટી શરીરના નીચેના ભાગને નીચેની તરફ ખેંચે છે. જેનાથી નસો પર દબાણ આવે છે. "આ એક તરફી વાલ્વ બની જાય છે જ્યાં બ્લડ આવે છે પરંતુ બ્લડ પાછું થઇ શકતું નથી. તેના કારણે એનસ અને લોઅર રેક્ટમની આસપાસની નસો અને રક્તવાહિનીઓ મોટી થઈ જાય છે અને લોહીથી ભરાઈ જાય છે.  

બળપૂર્વકના દબાણને કારણે જોખમ

મોંઝૂરે કહ્યું કે જોરદાર દબાણ લગાવવાથી પાઈલ્સનું જોખમ વધી જાય છે.  ટોઇલેટમાં પોતાના ફોનનો વધુ પડતો ઉપયોગ કરનારા લોકોને સમયનો ખ્યાલ રહેતો નથી બેસીને તેમના સ્નાયુઓ પર દબાણ લાવે છે. ડૉ. લાઇ ઝૂએ કહ્યું, "આજકાલ આપણે ટોઇલેટ સીટ પર વધુ સમય વિતાવતા લોકોની સંખ્યામાં ઝડપથી વધારો જોઈ રહ્યા છીએ અને આ એનોરેક્ટલ ઓર્ગન્સ અને પેલ્વિક ફ્લોર માટે ખૂબ જ અનિચ્છનીય છે."

ટોઇલેટ સીટ પર વધુ સમય પસાર કરવાથી બચવા માટે કેલિફોર્નિયામાં સિટી ઓફ હોપ ઓરેન્જ કાઉન્ટીના ઇન્ટરવેન્શનલ ગેસ્ટ્રોએન્ટેરોલોજિસ્ટ ડૉ. લાન્સ ઉરાદોમોના ફોન, મેગેઝિન અને પુસ્તકોને બાથરૂમની બહાર રાખવાની ભલામણ કરી છે. મોંઝૂરે કહ્યું કે તમે લાંબા સમય સુધી ત્યાં બેસશો એવું માનીને વોશરૂમ ન જાવ.

આંતરડાની હિલચાલ કરે છે પરેશાન

ડૉ. લાઈ ઝૂએ સલાહ આપી કે જો તમે દરરોજ આંતરડાની હિલચાલથી પરેશાન છો, તો 10 મિનિટ ચાલો. હાઇડ્રેટિંગ અને ફાઇબરયુક્ત ખોરાક ખાવાની પણ સલાહ આપવામાં આવે છે કારણ કે ફાઇબરયુક્ત ખોરાક પાચનમાં મદદ કરે છે. ક્યારેક ગેસના કારણે પણ આ સમસ્યા થઈ શકે છે.