Surya Grahan 2024: ક્યારે જોવા મળશે વર્ષનું બીજુ સૂર્યગ્રહણ, ભારતમાં દેખાશે કે નહીં? જાણો તમામ વિગતો
Surya Grahan 2024: વર્ષનું બીજું સૂર્યગ્રહણ સર્વ પિતૃ અમાવાસ્યાના રોજ 2 ઓક્ટોબરના રોજ થશે, જે વલયાકાર સૂર્યગ્રહણ હશે. પરંતુ શું તે ભારતમાં દેખાશે કે નહીં, ચાલો જાણીએ.
Surya Grahan 2024: સનાતન ધર્મમાં સૂર્યગ્રહણનું વિશેષ મહત્વ છે, તેથી ગ્રહણનું સૂતક માન્ય રહેશે કે અમાન્ય તે જાણવું મહત્વપૂર્ણ છે. વર્ષ 2024નું પ્રથમ સૂર્યગ્રહણ 08 એપ્રિલ 2024ના રોજ થયું હતું, જેની સૌથી વધુ અસર અમેરિકામાં થઈ હતી. જોકે, આ ગ્રહણ ભારતમાં જોવા મળ્યું ન હતું.
આ પછી, વર્ષ 2024નું બીજું સૂર્યગ્રહણ ઓક્ટોબર મહિનામાં સર્વ પિતૃ અમાવસ્યા (Sarva Pitru Amavasya 2024) ના રોજ થવાનું છે. આવી સ્થિતિમાં, દરેક વ્યક્તિ એ જાણવા માંગે છે કે વર્ષનું બીજુ સૂર્ ગ્રહણ ભારતમાં દેખાશે કે નહીં, અહીં સુતક માન્ય રહેશે કે નહીં, આ દિવસ ગ્રહણને કારણે અમાવસ્યાને લગતી ધાર્મિક ક્રિયાઓ કરી શકાશે કે કેમ વગેરે.
સૂર્ય ગ્રહણ 2024 તારીખ અને સમય(Surya Grahan 2024 Date and Time)
આ વર્ષનું બીજું સૂર્યગ્રહણ 2 ઓક્ટોબર 2024 (2 October)ના રોજ અશ્વિન મહિનામાં સર્વ પિતૃ અમાવસ્યાના દિવસે થશે. સૂર્યગ્રહણ 09:13 વાગ્યે શરૂ થશે અને 03:17 વાગ્યે સમાપ્ત થશે. ગ્રહણનો કુલ સમયગાળો 06 કલાક 04 મિનિટનો રહેશે. સૂર્યગ્રહણ રાત્રે થશે અને ભારતમાં દેખાશે નહીં. આવી સ્થિતિમાં સર્વ પિતૃ અમાવસ્યા સંબંધિત તમામ કાર્યો કરી શકાય છે. કારણ કે ગ્રહણ ભારતમાં દેખાતું નથી, તેનું સુતક અહીં માન્ય રહેશે નહીં.
વર્ષનું બીજું સૂર્યગ્રહણ ક્યાં દેખાશે?
તમને જણાવી દઈએ કે 8 એપ્રિલે થયેલું પહેલું સૂર્યગ્રહણ પણ ભારતમાં દેખાતું ન હતું અને બીજું સૂર્યગ્રહણ પણ ભારતમાં દેખાશે નહીં. પરંતુ આ ગ્રહણ દક્ષિણ અમેરિકાના ઉત્તરીય ભાગોમાં દેખાશે અને પ્રભાવિત થશે, જેમાં આર્ક્ટિક, ચિલી, પેરુ, હોનોલુલુ, એન્ટાર્કટિકા, આર્જેન્ટિના, ઉરુગ્વે, બ્યુનોસ આયર્સ અને બેકા ટાપુનો સમાવેશ થાય છે. આ સાથે 2 ઓક્ટોબરે થનારું સૂર્યગ્રહણ દક્ષિણ અમેરિકા, પેસિફિક મહાસાગર અને એટલાન્ટિક મહાસાગરના કેટલાક ભાગોમાં પણ દેખાશે.
વર્ષનું બીજું સૂર્ય ગ્રહણ વલયાકાર હશે (Annular Solar Eclipse)
ઓક્ટોબરમાં થનારું સૂર્ય ગ્રહણ એક વલયાકાર સૂર્યગ્રહણ હશે, જેને રિંગ ઓફ ફાયર પણ કહેવામાં આવે છે. જ્યારે ચંદ્ર પૃથ્વી અને સૂર્યની વચ્ચેથી સીધો પસાર થાય છે ત્યારે વલયાકાર સૂર્યગ્રહણ થાય છે. પરંતુ તે સૂર્યને સંપૂર્ણપણે આવરી લેતું નથી, પરંતુ મોટાભાગના ભાગને આવરી લે છે. આવા ચંદ્રની બહારની ધાર સૂર્યપ્રકાશમાં વીંટી જેવી તેજસ્વી દેખાય છે. એટલા માટે તેને રિંક ઓફ ફાયર પણ કહેવામાં આવે છે.
Disclaimer:અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.
ટોપ સ્ટોરી
ટ્રેન્ડિંગ સમાચાર
