ભારતના આ બિઝનેસ ટાયકૂને સોશિયલ મીડિયામાં પોસ્ટ કરી વર્ષો જૂની તસવીર, જાણો કોણ છે?

રતન ટાટા લગભગ છેલ્લા 3 મહિનાથી સોશિયલ મીડિયા એપ ઈન્સ્ટાગ્રામ સાથે જોડાયા છે. તેમને આ યુવાવસ્થાનની તસવીર #ThrowbackThursday સાથે શેર કરી હતી

મુંબઈ: ગુરૂવારે દેશના દિગ્ગજ ઉદ્યોગપતિ અને બિઝનેસ ટાયકૂન રતન ટાટાએ તેમના ઈન્સ્ટાગ્રામ એકાઉન્ટ પર પોતાની એક જૂની તસવીર પોસ્ટ કરી હતી. હવે પોતાની આ જૂની તસવીરના લીધે રતન ટાટા ફરી એકવાર ચર્ચામાં આવ્યા છે. તમને જણાવી દઈએ કે, રતન ટાટા લગભગ છેલ્લા 3 મહિનાથી સોશિયલ મીડિયા એપ ઈન્સ્ટાગ્રામ સાથે જોડાયા છે. તેમને આ યુવાવસ્થાનની તસવીર #ThrowbackThursday સાથે શેર કરી હતી અને પોતાના જૂના દિવસોની એક ઝલક ફોલોવર્સને બતાવી હતી. હાલ 82 વર્ષના રતન ટાટાની આ તસવીર ખૂબ જ જૂની છે અને તે સમયે તેઓ વિદેશમાં રહેતા હતા. આ તસવીરને પોસ્ટ કરી તેમણે લખ્યું હતું કે, હું આ ફોટો બુધવારે શેર કરવા માંગતો હતો પરંતુ ત્યારે મને ખબર પડી કે જૂની તસવીરો ગુરૂવારે (Throwback Thursday) શેર કરવામાં આવે છે. આ કારણે મારી આ જૂની તસવીર છે જ્યારે હું લોસ એન્જેલસ રહેતો હતો. આ સાથે તેમણે જણાવ્યું હતું કે, તેના થોડા દિવસો બાદ તેઓ ભારત આવ્યા હતા.

View this post on Instagram

I was going to post this yesterday, but I was then told about “throwbacks” and how they occur on Thursdays. So here is a throwback from my days in LA, not long before I happily returned to India. #throwbackthursday

A post shared by Ratan Tata (@ratantata) on Jan 22, 2020 at 9:48pm PST

1962ના અંતમાં ભારત પરત આવતાં પહેલા રતન ટાટાએ લોસ એન્જેલસમાં જોન્સ એન્ડ એમમન્સ સાથે કામ કર્યું હતું. રતન ટાટાની આ તસવીર પોસ્ટ થતાં ગણતરીના કલાકોમાં જ લાખો ચાહકોએ જોઈ અને કોમેન્ટ્સ કરી હતી. એક યુઝર્સે લખ્યું હતું કે, આભાર સર, તમે ભારત પરત આવ્યા. જ્યારે અન્ય એક યુઝર્સે લખ્યું કે, તમે હંમેશાથી જ સ્માર્ટ છો. આ ઉપરાંત અન્ય એક યુઝર્સે કહ્યું કે, તસવીર શેર કરતાં જે લખ્યું તે મને પસંદ આવ્યું.