Accident: ઘોઘંબાના દામણપુરા પાસે બાઈક એસટી બસ વચ્ચે અકસ્માત, 2નાં મોત
અન્ય ગાડીને ઓવરટેક કરીને જઈ રહેલા બાઈક ચાલકો સામેથી આવતી એસટી બસ સાથે અથડાતા અકસ્માત થયો હતો. અકસ્માતની ઘટનાને પગલે રાજગઢ પોલીસે ઘટના સ્થળે પહોંચી જરૂરી કાર્યવાહી હાથ ધરી હતી.
Gujarat Accident News: રાજ્યમાં અકસ્માતનો સિલસિલો વણથંભ્યો છે. પંચમહાલના ઘોઘંબાના દામણપુરા પાસે બાઈક અને એસટી બસ વચ્ચે અકસ્માતમાં બે લોકોનાં મોત થયા હતા. ધાનપુરથી અમરેલી જતી બસ અને બારીયા તરફ જતા બાઈક સવાર વચ્ચે દામણપુરા ગામ પાસે ગમખ્વાર અકસ્માત સર્જાયો હતો. જેમાં બાઈક સવાર બે યુવકોના ઘટના સ્થળે મોત થયા હતા.
કેવી રીતે થયો અકસ્માત
અન્ય ગાડીને ઓવરટેક કરીને જઈ રહેલા બાઈક ચાલકો સામેથી આવતી એસટી બસ સાથે અથડાતા અકસ્માત થયો હતો. અકસ્માતની ઘટનાને પગલે રાજગઢ પોલીસે ઘટના સ્થળે પહોંચી જરૂરી કાર્યવાહી હાથ ધરી હતી.
અરવલ્લીમાં બાઈક અને રીક્ષા વચ્ચે અકસ્માત
અરવલ્લીના રેલ્લાંવાડા મેઘરજ રોડ બાઈક અને રીક્ષા ચાલક વચ્ચે અકસ્માત સર્જાયો હતો. અકસ્માતમાં બાઈક ચાલકનું મોત નીપજ્યું હતું. રીક્ષા ચાલક અકસ્માત સર્જી ફરાર થયો હતો. બિનવારસી હાલતમાં રીક્ષા મળી આવી હતી. મૃતક કુણોલ ગામનો 25 વર્ષીય નરેન્દ્રસિંહ હોવાનું સામે આવ્યું હતું. ઇસરી પોલીસે ઘટના સ્થળે પહોંચી મૃતદેહને પોસ્ટ મોર્ટમ અર્થે ખસેડી વધુ તપાસ હાથ ધરી હતી.
હાલોલ વડોદરા રોડ ઉપર જરોદ પાસે બે લોડિંગ ટ્રક વચ્ચે અકસ્માત સર્જાતા બંને માલ ભરેલી લોડિંગ ટ્રકો પલટી ખાઈ ગઈ હતી, એક ટ્રક પલટી ખાઈને બાજુમાં પસાર થતી રીક્ષા ઉપર પડતા અને બીજી ટ્રક એક ઇકો કાર ઉપર પડતા બંને વાહનો મુસાફરો સાથે દબાઈ ગયા હતા. અકસ્માત માં ઇકો કાર નો ચુબો વળી જતા ચાલાક નું કાર માજ મોત નીપજ્યું હતું, રીક્ષામાં પણ એક વ્યક્તિનું ઘટનાસ્થળે કરૂણ મોત નીપજ્યું હોવાનું જાણવા મળ્યું છે, ત્યારે આ અકસ્માતમાં એક કિયા કાર પણ અડફેટે આવી જતા અકસ્માત ગ્રસ્ત થઈ છે. અકસ્માતને પગલે હાલોલથી વડોદરા તરફના માર્ગ ઉપર ભારે ટ્રાફિકજામ થઈ જતા વાહન વ્યવહાર બંધ કરી દેવામાં આવ્યો હતો.
હાલોલ તરફથી જતા તમામ વાહનોને અકસ્માત સ્થળથી પહેલા જરોદ માં જવાના માર્ગ તરફ ડાયવર્ટ કરવામાં આવ્યા હતા. લોડિંગ ટ્રક નીચે દબાયેલી રિક્ષામાં અને ઇકો કાર માં કેટલા લોકો સવાર હતા તે જાણવા મળ્યું નથી. પરંતુ 108 એમ્બ્યુલન્સો ખડકી દેવામાં આવી હતી અને જરોદ પોલીસ ઘટના સ્થળે પહોંચી ક્રેનની મદદથી દબાયેલા વાહનોને અને મુસાફરોને બહાર કાઢવાના પ્રયાસો હાથ ભર્યા છે.
ટ્રેન્ડિંગ સમાચાર
ટોપ સ્ટોરી
