World Health Day 2025: આ છે ભારત સરકારની બેસ્ટ હેલ્થ કેયર યોજના, મળશે આટલા બધા ફાયદાઓ

ભારત સરકારની આ યોજના એક આરોગ્ય વીમા યોજના છે જે આર્થિક રીતે નબળા પરિવારોને આરોગ્ય સંભાળ માટે નાણાકીય સુરક્ષા પૂરી પાડે છે.

પ્રતિકાત્મક તસવીર

ભારત સરકારની આ યોજના એક આરોગ્ય વીમા યોજના છે જે આર્થિક રીતે નબળા પરિવારોને આરોગ્ય સંભાળ માટે નાણાકીય સુરક્ષા પૂરી પાડે છે. PMJAY નું પૂર્ણ સ્વરૂપ "આયુષ્માન ભારત-પ્રધાનમંત્રી જન આરોગ્ય યોજના" (Ayushman Bharat-Pradhan Mantri Jan Arogya Yojana) છે. જે ભારત સરકારની શ્રેષ્ઠ આરોગ્ય યોજનાઓમાંની એક છે.

ભારત સરકારની આ યોજના એક આરોગ્ય વીમા યોજના છે જે આર્થિક રીતે નબળા પરિવારોને ગૌણ અને તૃતીય આરોગ્ય સંભાળ માટે નાણાકીય સુરક્ષા પૂરી પાડે છે.

આ યોજનાનો ઉદ્દેશ્ય ગરીબ અને નબળા પરિવારોને આરોગ્યસંભાળની સુવિધા પૂરી પાડવાનો છે. આ યોજના હેઠળ લાભાર્થીઓ લિસ્ટેડ અને સંલગ્ન હોસ્પિટલોમાં કેશલેસ સારવાર મેળવી શકે છે.

આ યોજના 23 સપ્ટેમ્બર 2018ના રોજ શરૂ કરવામાં આવી હતી. આ યોજના પ્રતિ પરિવાર દર વર્ષે 5 લાખ રૂપિયા સુધીનું નાણાકીય કવર પૂરું પાડે છે.પીએમજેએવાયના કાર્યક્ષેત્ર વિશે વિગતવાર જણાવતા પ્રધાનમંત્રીએ કહ્યું હતું કે તે 1,300 બીમારીઓને આવરી લેશે જેમાં કેન્સર અને હૃદય રોગ જેવી ગંભીર બીમારીઓનો સમાવેશ થાય છે. આ ઉપરાંત ખાનગી હોસ્પિટલો પણ આ યોજનાનો ભાગ હશે.

આ યોજના હેઠળ લાભાર્થીઓને QR કોડ ધરાવતા કાર્ડ પણ આપવામાં આવ્યા છે. યોજના વિશે માહિતી માટે દેશભરમાં યોજના સાથે સંકળાયેલા 2.50 લાખથી વધુ કોમન સર્વિસ સેન્ટરોની સ્થાપના કરવામાં આવી છે.આ યોજના હેઠળ રાષ્ટ્રીય આરોગ્ય એજન્સીએ હોસ્પિટલોમાં 14,000 આરોગ્ય મિત્રો તૈનાત કર્યા છે, જે લાભાર્થીઓને મદદ કરવા માટે હંમેશા ઉપલબ્ધ છે.