Inactive Bank Accounts: બેંક ખાતું બંધ છે? કોઈ વાંધો નહીં... આ રીતે પળવારમાં ફરી શરૂ થઈ જશે

Inactive Bank Accounts: ભારતમાં કોઈપણ વ્યક્તિ તેની જરૂરિયાત મુજબ ગમે તેટલા બેંક ખાતા ખોલાવી શકે છે. આવી સ્થિતિમાં સેવિંગ્સ, કરંટ કે એફડી એકાઉન્ટ ખોલવા માટે કોઈ મર્યાદા નક્કી કરવામાં આવી નથી.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

આવી સ્થિતિમાં, ઘણી વખત લોકો જરૂરિયાત કરતાં વધુ બેંક ખાતા ખોલે છે અને પછીથી તેને ચલાવતા નથી. ખાતામાં લાંબા સમય સુધી ટ્રાન્ઝેક્શન ન થાય તો તે નિષ્ક્રિય થઈ જાય છે.

બેંક ખાતાને નિષ્ક્રિય કરતા પહેલા, તે ગ્રાહકોને મેસેજ અથવા કોલ દ્વારા જાણ કરે છે.

જો તમારું એકાઉન્ટ પણ નિષ્ક્રિય થઈ ગયું છે, તો તમે તેને ફરીથી સક્રિય કરી શકો છો, પરંતુ આમ કરતા પહેલા, જાણી લો કે કયા પ્રકારના એકાઉન્ટને નિષ્ક્રિય કરવાનો નિયમ છે.

સામાન્ય રીતે, બેંકો એવા ખાતાઓને નિષ્ક્રિયની શ્રેણીમાં મૂકે છે, જેમાં છેલ્લા બે વર્ષમાં કોઈ વ્યવહાર થયો નથી. વિવિધ બેંકો માટે નિષ્ક્રિયકરણનો સમયગાળો અલગ હોઈ શકે છે.

જો તમે તમારું નિષ્ક્રિય એકાઉન્ટ સક્રિય કરવા માંગો છો, તો તમારે બેંકની મુલાકાત લઈને તમારું KYC પૂર્ણ કરવું પડશે.

KYC પ્રક્રિયા પૂર્ણ કર્યા પછી, તમે ખાતામાં જમા થયેલ પૈસા ઉપાડી શકો છો. આ સાથે, તમે નેટ નેટ બેન્કિંગ, એટીએમ અથવા મોબાઈલ બેન્કિંગનો પણ ઉપયોગ કરી શકો છો.

જો તમને ખાતાની જરૂર ન હોય તો તમે ખાતું બંધ પણ કરી શકો છો.