8 દિવસ પછી પણ પોરબંદરમાં પાણી નથી ઓસર્યા, 1500 ઘર પ્રભાવિત, લોકોમાં ભારે આક્રોશ

Porbandar Rain: પોરબંદર શહેરમાં ભારે વરસાદ બાદ આઠ દિવસ વીતી ગયા છતાં પણ પરિસ્થિતિ સામાન્ય થવાનું નામ નથી લેતી.

Porbandar Water Logging: શહેરના ત્રણ મુખ્ય વિસ્તારો છાયા ચોકી, છાયા પાટા અને છાયા રણમાં આજે પણ લગભગ 1500 ઘરોમાં 2.5 ફૂટ જેટલું પાણી ભરાયેલું છે.

સ્થાનિક રહેવાસીઓના જણાવ્યા મુજબ, અનેક લોકોએ પોતાના ઘરોને તાળાં મારીને સગાં સંબંધીઓને ત્યાં આશરો લીધો છે.

પાણીના કારણે મોંઘું ફર્નિચર અને અન્ય ઘરવખરી બગડી ગઈ છે, જેનાથી સ્થાનિકોને મોટું આર્થિક નુકસાન થયું છે.

રહેવાસીઓએ આરોપ મૂક્યો છે કે છેલ્લા આઠ દિવસથી કોઈ સરકારી અધિકારી કે પદાધિકારી આ વિસ્તારોની મુલાકાત લેવા આવ્યા નથી.

આ વિસ્તારોમાં પૂર્વ કેબિનેટ મંત્રી બાબુભાઈ બોખીરીયા અને હાલના ધારાસભ્ય અર્જુન મોઢવાડિયાના મતવિસ્તારો પણ સામેલ છે.

પોરબંદર છાયા નગરપાલિકા પાણીના નિકાલની વ્યવસ્થા કરવામાં નિષ્ફળ રહી હોવાનું જણાય છે.

સ્થાનિક લોકો દ્વારા તાત્કાલિક રાહત અને પાણીના નિકાલ માટે યોગ્ય પગલાં લેવાની માંગ કરવામાં આવી રહી છે.

છાયા નગરપાલિકા પાણીના નિકાલની વ્યવસ્થામાં સદંતર નિષ્ફળ સાબિત થઈ છે.

ભારે વરસાદ પડવા છતાં, પાણીના નિકાલની કોઈ પૂરતી વ્યવસ્થા ન હોવાથી લોકોને આવી મુશ્કેલીનો સામનો કરવો પડી રહ્યો છે.