Gujarat Election 2022: પત્ની રિવાબા માટે જાડેજાએ કર્યો પ્રચાર, ફેંસને આપ્યા ઓટોગ્રાફ, જુઓ તસવીરો

Gujarat Election 2022: જામનગર ઉત્તર બેઠક પર ભાજપ જોરદાર પ્રચાર કરી રહ્યું છે. આ બેઠક પરથી ભાજપે ટીમ ઈન્ડિયાના સ્ટાર ક્રિકેટર રવિન્દ્ર જાડેજાના પત્નીને ટિકિટ આપી છે.

પત્ની માટે પ્રચાર કરતો રવિન્દ્ર જાડેજા

પત્ની રિવાબાને જીતાડવા ક્રિકેટર રવિન્દ્રસિંહ જાડેજા મેદાનમાં આવ્યા હતા. તેમણે જામનગર ઉત્તર બેઠક પર કર્યો રોડ શો કર્યો હતો.

ક્રિકેટની અનેક મેચ જીતેલા રવિન્દ્રસિંહ જાડેજા રાજનીતિના મેદાનમાં ઉતર્યા હતા. પોતે સેલિબ્રિટી હોવાનો ખરો લાભ પત્નીને અપાવવા જાડેજાના પ્રયાસ રહ્યો.

જામનગર ઉત્તર બેઠક પર આ વખતે બે નવા ચેહરા ચૂંટણી લડી રહ્યા છે, ભાજપે ક્રિકેટર રવીન્દ્રસિંહ જાડેજાના પત્ની રિવાબા જાડેજાને મેદાને ઉતર્યા છે તો કોંગ્રેસે પોતાના જૂના આગેવાન બીપેન્દ્રસિંહ જાડેજાને ચૂંટણી જંગમાં ઉતાર્યા છે.

જામનગર ઉત્તર બેઠકનો જંગ જાડેજા વર્સીસ જાડેજાનો જંગ તો છે જ પરંતુ અહી સેલિબ્રિટી વર્સીસ સામાન્યનો જંગ છે

ભારતીય ક્રિકેટ ટીમના પ્લેયર રવિન્દ્રસિંહ જાડેજા સાથે લગ્ન થતાંની સાથે જ રિવાબા સેલિબ્રિટી બની ગયા હતા.

2019માં લોકસભાની ચૂંટણી લડવાની ઈચ્છા વ્યક્ત કરી પણ ત્યારે ભાજપે તક ન આપી અને હવે ધારાસભ્ય બનવા માટે મહેનત કરી રહ્યા છે

લાઇફ અન પ્રિડીકટેબલ હોય છે તેવું કહેતા રિવાબા જાડેજાએ કહ્યું કે, મારા લગ્ન રવિન્દ્રસિંહ સાથે થશે તેવું મે વિચાર્યું ન હતું... સમાજ સેવા કરવાની ઈચ્છા હતી પણ આ રીતે તક મળશે તેવું ધાર્યું ન હતું....

રવિન્દ્ર જાડેજાએ પત્નીના સમર્થનમાં કરેલી રેલી-રોડ શોમાં મોટી સંખ્યામાં ભાજપના કાર્યકર્તાઓ ઉપસ્થિત રહ્યા હતા.

રોડ શો દરમિયાન લોકોનું અભિવાદન ઝીલતો રવિન્દ્ર જાડેજા.

જાડેજાએ રોડ શો દરમિયાન તેના ફેંસને બેટ પર ઓટો ગ્રાફ પણ આપ્યા હતા.