Indian Hockey Team : બ્રોન્ઝ જીત્યા બાદ ભારતીય હૉકી ટીમે કરી શાનદાર ઉજવણી, જાણો કોને અર્પણ કર્યો મેડલ?

Hockey India Bronze Medal: ભારતીય હૉકી ટીમે બ્રોન્ઝ મેડલ જીત્યા બાદ જોરશોરથી ઉજવણી કરી હતી. ટીમ ઈન્ડિયાના ખેલાડી મનપ્રીત સિંહે આ મેડલ ગોલકીપર શ્રીજેશને અર્પણ કર્યો હતો.

પ્રતિકાત્મક તસવીર

Hockey India Bronze Medal: ભારતીય હૉકી ટીમે બ્રોન્ઝ મેડલ જીત્યા બાદ જોરશોરથી ઉજવણી કરી હતી. ટીમ ઈન્ડિયાના ખેલાડી મનપ્રીત સિંહે આ મેડલ ગોલકીપર શ્રીજેશને અર્પણ કર્યો હતો.

ભારતીય હૉકી ટીમે પેરિસ ઓલિમ્પિક 2024માં બ્રોન્ઝ મેડલ જીત્યો છે. ભારતે સ્પેનને 2-1થી હરાવ્યું હતું. ટીમ ઈન્ડિયાની જીતમાં હરમનપ્રીત સિંહે મહત્વની ભૂમિકા ભજવી હતી. જીત બાદ ભારતીય ખેલાડીઓએ જોરશોરથી ઉજવણી કરી હતી.

ટીમ ઈન્ડિયાના ખેલાડી મનપ્રીત સિંહે આ જીત પીઆર શ્રીજેશને સમર્પિત કરી છે. તે ભારતનો દિગ્ગજ ગોલકીપર છે.

પીઆર શ્રીજેશે તેની કારકિર્દીની છેલ્લી મેચ સ્પેન સામે રમી હતી. હવે તે હૉકીને અલવિદા કહી દેશે.

ભારતે સ્પેન સામેની મેચમાં બે ગોલ કર્યા હતા અને આ બંને ગોલ હરમનપ્રીત સિંહે કર્યા હતા. ટીમ ઈન્ડિયા માટે આ જીત ઐતિહાસિક હતી.

ભારતીય હૉકી ટીમે સતત બીજી વખત ઓલિમ્પિકમાં બ્રોન્ઝ મેડલ જીત્યો છે. ટીમ ઈન્ડિયાએ આ પહેલા 2020માં પણ બ્રોન્ઝ જીત્યો હતો.

ભારતે હૉકીમાં અત્યાર સુધીમાં કુલ 13 મેડલ જીત્યા છે. તેમાં 8 ગોલ્ડ છે.