Shubman Gill Century : શુબમન ગિલે સતત બીજી વન ડેમાં ફટકારી સદી, ન્યૂઝીલેન્ડ સામે પ્રથમ સદી
Shubman Gill: ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો હતો. ગિલે શાનદાર ફોર્મ જાળવી રાખતા સતત બીજી વન ડે મેચમાં સદી ફટકારી હતી.
Shubman Gill Century : હૈદરાબાદના રાજીવ ગાંધી ઈન્ટરનેશનલ ક્રિકેટ સ્ટેડિયમમાં બુધવારે ભારત અને ન્યુઝીલેન્ડ વચ્ચે ત્રણ મેચની શ્રેણીની પ્રથમ વનડે રમાઈ રહી છે. ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો હતો. ગિલે શાનદાર ફોર્મ જાળવી રાખતા સતત બીજી વન ડે મેચમાં સદી ફટકારી હતી. ગિલે 87 બોલમાં સદી પૂરી કરી હતી. ન્યૂઝીલેન્ડ સામે તેણે પ્રથમ સદી ફટકારી હતી. ગિલે 14 ચોગ્ગા અને 2 છગ્ગા ફટકાર્યા હતા. આ પહેલા શ્રીલંકા સામે રમાયેલી ત્રીજી વન ડેમાં પણ ગિલે સદી ફટકારી હતી.
💯📸@ShubmanGill
— BCCI (@BCCI) January 18, 2023
Live - https://t.co/DXx5mqRguU #INDvNZ @mastercardindia pic.twitter.com/rEmRg6BzJa
આજની વન ડેમાં રોહિત શર્માએ રચ્યો ઈતિહાસ
ભારતીય કેપ્ટન રોહિત શર્માએ ત્રીજી ઓવરના છેલ્લા બોલે સિક્સર ફટકારીને એક ખાસ રેકોર્ડ બનાવ્યો હતો ન્યૂઝીલેન્ડ માટે હેનરી શિપલી ઇનિંગ્સની ત્રીજી ઓવર કરી રહ્યો હતો. રોહિત શર્માએ ઓવરના છેલ્લા બોલે સિક્સર ફટકારીને ઈતિહાસ રચ્યો હતો. રોહિત શર્મા ભારતમાં ODI ઈતિહાસમાં સૌથી વધુ છગ્ગા મારનાર બેટ્સમેન બની ગયો છે. હિટમેનના નામથી પ્રખ્યાત રોહિત શર્માએ સમાચાર લખ્યા ત્યાં સુધી તેની ઇનિંગ્સમાં બે સિક્સર ફટકારી છે અને આ રીતે ભારતમાં તેની સિક્સરની સંખ્યા વધીને 125 થઈ ગઈ છે.
ભારતીય કેપ્ટન રોહિત શર્માએ આ સાથે એમએસ ધોનીનો રેકોર્ડ તોડ્યો છે. તેની પ્રથમ છગ્ગા સાથે, રોહિત શર્મા ભારતમાં ODI ઇતિહાસમાં સૌથી વધુ છગ્ગા મારનાર બેટ્સમેન બની ગયો. એમએસ ધોનીએ ભારતમાં ODI ઈતિહાસમાં 123 સિક્સર ફટકારી છે. આ યાદીમાં ત્રીજું સ્થાન મહાન બેટ્સમેન સચિન તેંડુલકરનું છે, જેણે 71 છગ્ગા ફટકાર્યા છે.
ભારતમાં વનડેમાં સૌથી વધુ સિક્સર મારનાર બેટ્સમેન
125* - રોહિત શર્મા
123 - એમએસ ધોની
71 - સચિન તેંડુલકર
રોહિત શર્મા ન્યૂઝીલેન્ડ સામેની પ્રથમ વનડેમાં મોટી ઇનિંગ્સ રમવામાં નિષ્ફળ રહ્યો હતો. ભારતીય કેપ્ટન 38 બોલમાં ચાર ચોગ્ગા અને બે છગ્ગાની મદદથી 34 રન બનાવીને આઉટ થયો હતો. ટિકનરે તેને મિશેલના હાથે કેચ આઉટ કરાવ્યો હતો.
ભારતની આજની પ્લેઇંગ ઇલેવન
રોહિત શર્મા (કેપ્ટન), શુભમન ગિલ, વિરાટ કોહલી, સૂર્યકુમાર યાદવ, ઈશાન કિશન (વિકેટકીપર), હાર્દિક પંડ્યા, વોશિંગ્ટન સુંદર, શાર્દુલ ઠાકુર, કુલદીપ યાદવ, મોહમ્મદ શમી, મોહમ્મદ સિરાજ.
ટ્રેન્ડિંગ સમાચાર
ટોપ સ્ટોરી
