મુંબઈમાં ભારત-ન્યૂઝીલેન્ડ સેમિફાઈનલ મેચ પહેલા મળી ધમકી - 'મોટી ઘટનાને અંજામ આપવામાં આવશે'

Mumbai Police Gets Threat: આજે બુધવારે (15 નવેમ્બર) મુંબઈમાં ભારત અને ન્યુઝીલેન્ડ વચ્ચે વર્લ્ડ કપની સેમીફાઈનલ મેચ રમાવાની છે. અગાઉ પોલીસને ધમકીભર્યો મેસેજ મળ્યો હતો.

પ્રતિકાત્મક તસવીર

Source : File Photo

India-New Zealand Semi Final Match: ક્રિકેટ વર્લ્ડ કપની સેમીફાઈનલની પ્રથમ મેચ આજે (15 નવેમ્બર) મુંબઈના વાનખેડે સ્ટેડિયમમાં ભારત અને ન્યુઝીલેન્ડ વચ્ચે રમાશે. આ મેચને લઈને ક્રિકેટ ચાહકોમાં ભારે ઉત્સાહ છે અને તેની આતુરતાથી રાહ જોવાઈ રહી છે. પરંતુ તે પહેલા મેચને નિશાન બનાવવામાં આવશે તેવી ધમકી મળી છે.

ખરેખર, મુંબઈ પોલીસને એક ધમકીભર્યો મેસેજ મળ્યો છે જેમાં કહેવામાં આવ્યું છે કે મેચ દરમિયાન કોઈ મોટી ઘટનાને અંજામ આપવામાં આવશે. આ પ્રકારની ધમકી મુંબઈ પોલીસને એક અજાણ્યા વ્યક્તિએ ટ્વિટર દ્વારા આપી હતી. મામલાની ગંભીરતાને ધ્યાનમાં રાખીને મુંબઈ પોલીસે વાનખેડે સ્ટેડિયમ અને તેની આસપાસના વિસ્તારો પર ચાંપતી નજર રાખી છે.

ધમકી આપનાર વ્યક્તિએ સોશિયલ મીડિયા સાઇટ X (અગાઉ ટ્વિટર) પર મુંબઈ પોલીસને બંદૂક, હેન્ડ ગ્રેનેડ અને ગોળીઓના ફોટા સાથે ટેગ કર્યા છે. આ સિવાય મેચ દરમિયાન અમે આગ લગાવીશું તેવા મેસેજ સાથે એક ફોટો પણ પોસ્ટ કરવામાં આવ્યો હતો.

શું કહ્યું મુંબઈ પોલીસે?

મુંબઈ પોલીસે જણાવ્યું હતું કે, “એક અજાણ્યા વ્યક્તિએ એક્સ (અગાઉનું ટ્વિટર) પર મુંબઈ પોલીસને ધમકીભર્યો સંદેશો પોસ્ટ કર્યો હતો કે આજે વાનખેડે સ્ટેડિયમમાં ભારત વિરુદ્ધ ન્યુઝીલેન્ડ વચ્ચે ઘૃણાસ્પદ ઘટનાને અંજામ આપવામાં આવશે. સ્ટેડિયમના વિસ્તાર અને આસપાસના વિસ્તારોમાં કડક દેખરેખ રાખવામાં આવી રહી છે. વ્યક્તિએ તેની પોસ્ટમાં મુંબઈ પોલીસને ટેગ કરી હતી અને ફોટામાં બંદૂક, ગ્રેનેડ અને ગોળીઓ બતાવી હતી."

મજબૂત સુરક્ષા વ્યવસ્થા

જો મેચને લઈને મુંબઈમાં સુરક્ષાની વાત કરીએ તો 7 ડેપ્યુટી કમિશનર ઓફ પોલીસ, 200 ઓફિસર અને 700 પોલીસ કર્મચારીઓને તૈનાત કરવામાં આવ્યા છે. વાનખેડે સ્ટેડિયમના તમામ ગેટની સામે પાર્કિંગ પર પણ પ્રતિબંધ મૂકવામાં આવ્યો છે. આ સિવાય પોલીસે સ્ટેડિયમમાં પેન, પેન્સિલ, માર્કર, કોરા કાગળો, બેનરો, પોસ્ટર, બેગ, સિક્કા તેમજ પાવર બેંક અને જ્વલનશીલ સામગ્રી લઈ જવા પર પ્રતિબંધ મૂક્યો છે.

વર્લ્ડ કપ 2023માં અત્યાર સુધી વાનખેડે ખાતે ચાર મેચ રમાઈ છે. આ ચાર મેચ પણ ડે-નાઈટ હતી. આ તમામ મેચોમાં પિચની પ્રકૃતિ એકસરખી રહી. અહીં પ્રથમ બેટિંગ કરતી ટીમોએ મોટો સ્કોર બનાવ્યો અને જવાબમાં રનનો પીછો કરતી ટીમ સસ્તામાં આઉટ થઈ ગઈ. બપોર પછી અહીં બેટિંગ કરવી સરળ હતી પરંતુ બીજી ઈનિંગમાં રાત્રે નવો બોલ વધુ અને લાંબા સમય સુધી સ્વિંગ થતો જોવા મળ્યો હતો.