Border–Gavaskar Trophy: બોર્ડર ગાવસ્કર ટ્રોફી માટે ટીમ ઈન્ડિયા ક્યારે રવાના થશે, તારીખ થઈ જાહેર
Border–Gavaskar Trophy 2024-25: બોર્ડર-ગાવસ્કર ટ્રોફી માટે ટીમ ઈન્ડિયા લગભગ 12 દિવસ પહેલા ઓસ્ટ્રેલિયા રવાના થઈ શકે છે. વહેલું જવું ટીમ ઈન્ડિયા માટે ફાયદાકારક સાબિત થશે.
Indian Team Border–Gavaskar Trophy 2024-25: બોર્ડર-ગાવસ્કર ટ્રોફી ભારત અને ઓસ્ટ્રેલિયા વચ્ચે રમાવાની છે. આ વખતે બોર્ડર-ગાવસ્કર ટ્રોફી ઓસ્ટ્રેલિયાની ધરતી પર યોજાશે, જે ટીમ ઇન્ડિયા માટે મોટો પડકાર હશે. સીરીઝની પ્રથમ મેચ 22 નવેમ્બરથી રમાશે, પરંતુ હવે સવાલ એ ઉઠી રહ્યો છે કે ટીમ ઈન્ડિયા સીરીઝ માટે ઓસ્ટ્રેલિયા ક્યારે રવાના થશે? તેથી તેની તારીખ બહાર આવી છે.
સ્પોર્ટસ્ટારના રિપોર્ટ અનુસાર, ટીમ ઈન્ડિયા 10 કે 11 નવેમ્બરે બોર્ડર-ગાવસ્કર ટ્રોફી માટે રવાના થશે. જોકે, ટીમ ઈન્ડિયાના ઓસ્ટ્રેલિયા જવાની તારીખ વિશે હજુ સત્તાવાર માહિતી સામે આવી નથી.
વહેલું જવું ટીમ ઈન્ડિયા માટે ફાયદાકારક સાબિત થશે. ત્યાં ગયા બાદ ખેલાડીઓ ઓસ્ટ્રેલિયાની ધરતી પર પ્રેક્ટિસ કરશે, જેથી ખેલાડીઓ ત્યાંની પરિસ્થિતિ અનુસાર પોતાને અનુકૂળ બનાવી શકે. ભારતીય ટીમે હાલમાં જ ન્યૂઝીલેન્ડ સામે ઘરની ધરતી પર ત્રણ મેચની ટેસ્ટ શ્રેણી રમી હતી. ટીમ ઈન્ડિયાને હોમ સીરિઝમાં 0-3થી વ્હાઇટ વોશનો સામનો કરવો પડ્યો હતો, ત્યારબાદ બોર્ડર-ગાવસ્કર ટ્રોફી ટીમ ઈન્ડિયા માટે મોટો પડકાર સાબિત થઈ શકે છે. આવી સ્થિતિમાં બોર્ડર-ગાવસ્કર ટ્રોફીમાં ઓસ્ટ્રેલિયા સામે ટીમ ઈન્ડિયા કેવું પ્રદર્શન કરે છે તે જોવું રસપ્રદ રહેશે.
બોર્ડર-ગાવસ્કર ટ્રોફી શેડ્યૂલ
ભારત VS ઓસ્ટ્રેલિયા 1લી ટેસ્ટ – 22 થી 26 નવેમ્બર – પર્થ સ્ટેડિયમ, પર્થ
ભારત VS ઓસ્ટ્રેલિયા બીજી ટેસ્ટ - 06 થી 19 ડિસેમ્બર - એડિલેડ ઓવલ, એડિલેડ
ભારત VS ઓસ્ટ્રેલિયા ત્રીજી ટેસ્ટ – 14 થી 18 ડિસેમ્બર – ધ ગાબા, બ્રિસ્બેન.
ભારત VS ઓસ્ટ્રેલિયા ચોથી ટેસ્ટ - 26 થી 30 ડિસેમ્બર - મેલબોર્ન ક્રિકેટ ગ્રાઉન્ડ, મેલબોર્ન
ભારત VS ઓસ્ટ્રેલિયા પાંચમી ટેસ્ટ - 03 થી 07 જાન્યુઆરી - સિડની ક્રિકેટ ગ્રાઉન્ડ, સિડની.
બોર્ડર-ગાવસ્કર ટ્રોફી માટે ટીમ ઈન્ડિયા
રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઇશ્વરન, શુભમન ગિલ, વિરાટ કોહલી, કેએલ રાહુલ, ઋષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર), આર અશ્વિન, આર જાડેજા, મોહમ્મદ સિરાજ, આકાશ દીપ, પ્રસિદ્ધ કૃષ્ણ, હર્ષિત રાણા, નીતિશ કુમાર રેડ્ડી, વોશિંગ્ટન સુંદર.
અનામત- મુકેશ કુમાર, નવદીપ સૈની, ખલીલ અહેમદ.
આ પણ વાંચો : IPL 2025: રાજસ્થાને સાથ છોડતાં જ બટલરે શેર કરી ખાસ પૉસ્ટ, લખ્યું- આભાર રાજસ્થાન રૉયલ્સ....
ટ્રેન્ડિંગ સમાચાર
ટોપ સ્ટોરી
