Jasprit Bumrah Polly Umrigar Award: બુમરાહને BCCI એ આપ્યો પોલી ઉમરીગર એવોર્ડ, જાણો કેટલી મળી પ્રાઈઝ મની 

ભારતીય ક્રિકેટ ટીમના ફાસ્ટ બોલર જસપ્રીત બુમરાહે ઘણી વખત શાનદાર પ્રદર્શન કર્યું છે. બુમરાહે દરેક ફોર્મેટમાં કમાલ કરી બતાવી છે.

જસપ્રીત બુમરાહ

Source : PTI

Jasprit Bumrah BCCI Naman Award 2025: ભારતીય ક્રિકેટ ટીમના ફાસ્ટ બોલર જસપ્રીત બુમરાહે ઘણી વખત શાનદાર પ્રદર્શન કર્યું છે. બુમરાહે દરેક ફોર્મેટમાં કમાલ કરી બતાવી છે. તેને ભારતીય ક્રિકેટ કંટ્રોલ બોર્ડ દ્વારા મોટા ખિતાબથી સન્માનિત કરવામાં આવ્યો છે. બુમરાહને સર્વશ્રેષ્ઠ આંતરરાષ્ટ્રીય ક્રિકેટર તરીકે પસંદ કરવામાં આવ્યો છે. તેને પોલી ઉમરીગર એવોર્ડ આપવામાં આવ્યો છે. બીસીસીઆઈનો નમન એવોર્ડ કાર્યક્રમ ચાલી રહ્યો છે.

🚨 𝗣𝗼𝗹𝗹𝘆 𝗨𝗺𝗿𝗶𝗴𝗮𝗿 𝗔𝘄𝗮𝗿𝗱 🚨

Unplayable deliveries, unparalleled spells, unbelievable match-winning performances 🔥

ONE Player 💪

Best International Cricketer - Men goes to none other than Jasprit Bumrah 🏆🙌#NamanAwards | @Jaspritbumrah93 pic.twitter.com/cBslS0HA6S

— BCCI (@BCCI) February 1, 2025

બુમરાહને વર્ષ 2023-24 માટે સર્વશ્રેષ્ઠ આંતરરાષ્ટ્રીય ક્રિકેટર તરીકે પસંદ કરવામાં આવ્યો છે. આ કારણોસર તેમને પોલી ઉમરીગરના બિરુદથી નવાજવામાં આવ્યા હતા. બુમરાહની અત્યાર સુધીની કારકિર્દી શાનદાર રહી છે. તેણે ટીમ ઈન્ડિયા માટે ટેસ્ટમાં 205 વિકેટ લીધી છે. તેણે વનડેમાં 149 વિકેટ લીધી છે. બુમરાહે T20 ઈન્ટરનેશનલમાં 89 વિકેટ લીધી છે. તેણે આઈસીસીની મોટી ટુર્નામેન્ટમાં ટીમ ઈન્ડિયા માટે શાનદાર પ્રદર્શન કર્યું છે.  

બુમરાહને કેટલી ઈનામી રકમ મળશે ?

પોલી ઉમરીગર એવોર્ડ બીસીસીઆઈના સૌથી મોટા ખિતાબની યાદીમાં સામેલ છે. આ એવોર્ડની સાથે BCCI રોકડ પુરસ્કાર પણ આપે છે. ઈન્ડિયા ટુડેના એક સમાચાર અનુસાર, વિજેતા ખેલાડીને આ ખિતાબ માટે 15 લાખ રૂપિયા આપવામાં આવે છે. તેથી બુમરાહને રોકડ પુરસ્કાર પણ મળશે.

 

બુમરાહ જે ICC ટેસ્ટ રેન્કિંગમાં નંબર-1 છે, તે સૌથી ઝડપી 200 ટેસ્ટ વિકેટ પૂરી કરનાર ભારતીય ફાસ્ટ બોલર છે. તેણે 20થી ઓછી બોલિંગ એવરેજ સાથે આ સિદ્ધિ મેળવી છે, જે ક્રિકેટ ઈતિહાસમાં સર્વશ્રેષ્ઠ છે.

ફાસ્ટ બોલરની પ્રતિભા ICC ટેસ્ટ બોલિંગ રેન્કિંગમાં પણ પ્રતિબિંબિત થઈ હતી, જ્યાં તેણે 900-પોઈન્ટનો આંકડો પાર કર્યો હતો અને વર્ષનો અંત રેકોર્ડ-બ્રેક 907 પોઈન્ટ સાથે કર્યો હતો - જે ઈતિહાસમાં કોઈપણ ભારતીય બોલર માટે સૌથી વધુ છે.

બુમરાહ પહેલા રાહુલ દ્રવિડ, સચિન તેંડુલકર, રવિચંદ્રન અશ્વિન અને વિરાટ કોહલી (2 વખત) ભારત માટે આ ટ્રોફી જીતી ચૂક્યા છે. પરંતુ આ પ્રથમ વખત છે જ્યારે કોઈ ભારતીય ફાસ્ટ બોલરે આ પ્રતિષ્ઠિત પુરસ્કાર જીત્યો હોય.

સૌથી ઓછા બોલમાં 200 વિકેટ ઝડપી લેનારો ભારતીય બોલર

બુમરાહ સૌથી ઓછા બોલમાં 200 વિકેટ ઝડપી લેનારો ભારતીય બોલર છે. બુમરાહે 8484માં બોલ પર પોતાની 200મી ટેસ્ટ વિકેટ લીધી હતી. મોહમ્મદ શમીએ 9896માં બોલ પર 200મી વિકેટ લીધી હતી.  જાન્યુઆરી 2018માં ડેબ્યૂ કરનાર બુમરાહ 20થી ઓછી બોલિંગ એવરેજ સાથે 200 વિકેટ મેળવનારો પ્રથમ બોલર છે. બુમરાહ કરતાં વધુ સારી બોલિંગ એવરેજ સાથે કોઈ બોલરે વધુ વિકેટ લીધી નથી.