Tech Deal: TATA-BSNLની ડીલથી Jio-Airtelનું કપાશે પત્તુ, ખુણે-ખુણે પહોંચશે ફાસ્ટ ઇન્ટરનેટ
TATA and BSNL Deal: ખાનગી ટેલિકૉમ એરટેલ અને જિઓના રિચાર્જ પ્લાનમાં વધારા બાદ લોકો BSNL તરફ જવા લાગ્યા છે, એટલું જ નહીં, એરટેલ અને જિઓ યૂઝર્સ વધુને વધુ તેમના મોબાઈલ નંબર BSNL પર પૉર્ટ કરી રહ્યાં છે
TATA and BSNL Deal: ખાનગી ટેલિકૉમ કંપનીઓ એરટેલ અને જિઓના રિચાર્જ પ્લાનમાં વધારા બાદ લોકો BSNL તરફ જવા લાગ્યા છે, એટલું જ નહીં, એરટેલ અને જિઓ યૂઝર્સ વધુને વધુ તેમના મોબાઈલ નંબર BSNL પર પૉર્ટ કરી રહ્યાં છે. આ સિવાય સોશિયલ મીડિયા પર આને લઈને ઘણા ટ્રેન્ડ થઈ રહ્યા છે. એવા પણ સમાચાર છે કે ટાટા કન્સલ્ટન્સી સર્વિસ અને BSNL વચ્ચે 15 હજાર કરોડ રૂપિયાની ડીલ થઈ છે. TCS અને BSNL મળીને ભારતના 1000 ગામડાઓમાં 4G ઈન્ટરનેટ સર્વિસ શરૂ કરશે, જેથી આવનારા દિવસોમાં લોકોને ફાસ્ટ સ્પીડ ઈન્ટરનેટ સેવા મળશે.
જિઓ-એરટેલની વધશે ટેન્શન
વર્તમાન સમયની વાત કરીએ તો, 4G ઇન્ટરનેટ સર્વિસ પર હજુ પણ Jio અને Airtelનો દબદબો છે, પરંતુ જો BSNL મજબૂત બને તો Jio અને Airtel વચ્ચે ટેન્શન વધી શકે છે. ટાટા ભારતના ચાર પ્રદેશોમાં ડેટા સેન્ટર બનાવી રહી છે, જે ભારતના 4G ઈન્ફ્રાસ્ટ્રક્ચર બનાવવામાં મદદ કરશે. BSNL એ દેશભરમાં 9000 થી વધુ 4G નેટવર્ક જમાવ્યું છે, જેનો લક્ષ્યાંક વધારીને એક લાખ કરવાનો છે.
જિઓ-એરટેલે રિચાર્જ વધારાની કરી જાહેરાત
Jioએ ગયા મહિને જૂનમાં તેના રિચાર્જ પ્લાનમાં વધારો કરવાની જાહેરાત કરી હતી. જેના પછી તરત જ એરટેલ અને વીઆઈએ પણ તેમના પ્લાનમાં વધારો કરવાની જાહેરાત કરી હતી, જ્યાં જિઓ અને એરટેલની વધેલી કિંમતો 3 જુલાઈથી લાગુ થઈ ગઈ છે. તો VIના વધેલા ભાવ 4 જુલાઇથી અમલમાં આવ્યા છે.
Jio એ સૌથી વધુ કિંમતમાં વધારો કર્યો છે. કંપનીએ એક જ વારમાં કિંમતોમાં 12 થી 25 ટકાનો સીધો વધારો કર્યો છે. જ્યારે એરટેલે 11 થી 21 ટકા અને Viએ 10 થી 21 ટકા ભાવ વધાર્યા છે. સોશિયલ મીડિયા પર લોકોનો સૌથી વધુ ગુસ્સો Jioને લઈને વ્યક્ત કરવામાં આવી રહ્યો છે. આ કારણોસર લોકો હવે BSNL તરફ વળ્યા છે.
ટોપ સ્ટોરી
ટ્રેન્ડિંગ સમાચાર
