Govinda Hospitalised | ગોળી વાગતા અભિનેતા ગોવિંદા હોસ્પિટલમાં દાખલ | Breaking News | Bollywood News
Actor Govinda: બોલિવૂડ અભિનેતા ગોવિંદાને ગોળી વાગી હતી. મળતી જાણકારી અનુસાર, અભિનેતા ગોવિંદાને પોતાની જ રિવોલ્વરથી ગોળી વાગી હતી. પોતાની જ રિવોલ્વરમાંથી મિસફાયર થતા ગોળી વાગી હતી. સારવાર માટે ગોવિંદાને હોસ્પિટલમાં દાખલ કરાયા હતા.
અભિનેતા ગોવિંદાને તેની જ ગનમાંથી પગમાં ગોળી વાગી છે. આ ઘટના સવારે સાડા પાંચ વાગ્યાના અરસામાં બની હતી. ભૂલથી મિસફાયર થયું હતું. હવે અભિનેતા CRITI કેર હોસ્પિટલમાં દાખલ છે.
આ ઘટના સવારે 5 વાગ્યે બની હતી અને તે કોઈ કામ માટે બહાર જઈ રહ્યો હતો. આ દરમિયાન અચાનક રિવોલ્વરમાંથી મિસ ફાયર થયું હતું. ગોવિંદાને ગોળી વાગતા હોબાળો મચી ગયો હતો. ઘાયલ ગોવિંદાને તાત્કાલિક CRITI હોસ્પિટલમાં દાખલ કરવામાં આવ્યો, જ્યાં તેની સારવાર ચાલી રહી છે. દરમિયાન પોલીસે ઘટનાસ્થળે પહોંચીને મામલાની તપાસ શરૂ કરી છે.
પોલીસના જણાવ્યા અનુસાર, ફાયરિંગ બાદ તે ઘટનાસ્થળે પહોંચી હતી અને ગોવિંદાની ગન જપ્ત કરી હતી. આ મામલે તપાસ શરૂ કરવામાં આવી છે. અભિનેતાની રિવોલ્વરમાંથી મિસ ફાયર થયું હતું અને ગોળી તેના ઘૂંટણમાં વાગી હતી. ગોવિંદા પાસે લાયસન્સવાળી રિવોલ્વર છે. જો કે તેના પરિવાર અને ટીમે હજુ સુધી કોઈ સત્તાવાર નિવેદન જાહેર કર્યું નથી.
ટોપ સ્ટોરી
ટ્રેન્ડિંગ સમાચાર
