શિલ્પા શેટ્ટી અને અભિમન્યુ દસાનીની ફિલ્મ નિકમ્માનું ટ્રેલર રિલીઝ, જાણો સાઉથની કઈ ફિલ્મની રિમેક છે "નિકમ્મા"

હંગામા 2 બાદ હવે શિલ્પા શેટ્ટી આવનારી ફિલ્મ નિકમ્મામાં દેખાશે. સિનેમાપ્રેમીઓ આ ફિલ્મની આતુરતાપૂર્વક રાહ જોઈ રહ્યા હતા.

સોર્સ - ટ્રેલર

Shilpa Shetty Nikamma Official Trailer Released: હંગામા 2 બાદ હવે શિલ્પા શેટ્ટી આવનારી ફિલ્મ નિકમ્મામાં દેખાશે. સિનેમાપ્રેમીઓ આ ફિલ્મની આતુરતાપૂર્વક રાહ જોઈ રહ્યા હતા. ત્યારે હાલ "નિકમ્મા"નું ટ્રેલર રિલીઝ કરવામાં આવ્યું છે. ટ્રેલરમાં શિલ્પા શેટ્ટી સુપરવુમનના રોલમાં દર્શકોનું ધ્યાન ખેંચી રહી છે. તો સાથે ફિલ્મમાં તમને રોમાન્સ, કૉમેડી, ઈમોશન અને એક્શનનું કમ્પલીટ પેકેજ જોવા મળશે. 

નિકમ્મા ફિલ્મના ટ્રેલરની શરુઆત અભિમન્યુ દસાનીના જબરદસ્ત લુક સાથે થઈ રહી છે. ફિલ્મમાં તે એક મસ્તમૌલા એટલે કે કામ વગરના નક્કામા છોકરાની ભૂમિકામાં નજર આવશે. અભિમન્યુને પોતાની જીંદગીમાં ફક્ત ફન જોઈએ છે અને જવાબદારીઓથી દૂર રહીને પોતાનું જીવન માણે છે. ત્યાર બાદ તેની આ મસ્ત જીંદગીમાં શિલ્પા શેટ્ટીની એન્ટ્રી થાય છે. ફિલ્મમાં શિલ્પા શેટ્ટી એક સુપરવુમનના રોલમાં નજર આવશે. શિલ્પાની એન્ટ્રી બાદ અભિમન્યુની જીંદગીમાં જબરદસ્ત બદલાવ આવી જાય છે.

નિકમ્મા ફિલ્મમાં શિલ્પા શેટ્ટી, અભિમન્યુ દાસાની સાથે શર્લી સેતિયા, સુનીલ ગ્રોવર અને સમીર સોની જેવા કલાકારો પણ જોવા મળશે. પહેલી વાર ફિલ્મી પદડા ઉપર અભિમન્યુની સાથે શર્લીની રોમેન્ટીક જોડી જોવા મળશે. આ ફિલ્મ વર્ષ 2020ના મધ્યમાં રિલીઝ થવાની હતી પરંતુ કોરોના મહામારીના કારણે ફિલ્મની રિલીઝ ટાળી દેવાઈ હતી. ઉલ્લેખનીય છે કે આ ફિલ્મ 2017માં રિલીઝ થયેલી તેલુગૂ ફિલ્મ 'મિડિલ ક્લાસ અબ્બાઈ'ની હિન્દી રીમેક છે. નિકમ્મા 17 જૂન એટલે કે એક મહિના બાદ થિયેટરોમાં રિલીઝ થશે.

આ પણ વાંચોઃ