રાજ્યમાં ઠંડીમાં ઘટાડો થવાની શક્યતા, જાણો હવામાન વિભાગે શું કરી આગાહી ?

બપોર સુધી સુસવાટા સાથે ઠંડો પવન ચાલુ રહેતાં વાતાવરણમાં કાતિલ ઠંડીનું મોજું ફરી વળ્યું હતું, જેની અસર આજે પણ જોવા મળી હતી.

પ્રતિકાત્મક તસવીર

ગાંધીનગર:  ઉત્તર-પૂર્વના કાતિલ હિમ પવનની અસરથી અમદાવાદ સહિત રાજ્યમાં ઠંડીનું મોજું ફરી વળતાં લોકો હાડ થીજવતી ઠંડીનો અનુભવ કરી રહ્યા છે. હિમાલય વિસ્તારમાં થયેલી હિમવર્ષાની અસરથી રવિવારે મોડી સાંજથી સોમવાર સવાર સુધી કાતિલ ઠંડા પવન ફૂંકાયા હતા. આકાશમાં વાદળોનું પ્રમાણ વધતાં ઠંડો પવન સીધા જમીન તરફ આવતાં ઠંડીનો પારો ગગડ્યો હતો. બપોર સુધી સુસવાટા સાથે ઠંડો પવન ચાલુ રહેતાં વાતાવરણમાં કાતિલ ઠંડીનું મોજું ફરી વળ્યું હતું, જેની અસર આજે પણ જોવા મળી હતી.

અમદાવાદમાં સોમવારે લઘુતમ તાપમાન 7.6 ડીગ્રીએ પહોંચતાં એક વર્ષ બાદ જાન્યુઆરીમાં સૌથી નીચું લઘુતમ તાપમાન નોંધાયું હતું. આગામી બે દિવસ દરમિયાન અમદાવાદમાં ઠંડીનો પારો 10 ડીગ્રીની આસપાસ રહ્યા બાદ ઠંડીમાં ઘટાડો થવાની શક્યતા હવામાન વિશેષજ્ઞે વ્યક્ત કરી છે. ખાનગી સંસ્થાના મતે અમદાવાદમાં આગામી શનિવાર સુધી 11થી 14 ડીગ્રીની આસપાસ લઘુતમ તાપમાન રહી શકે છે. ગાંધીનગરમાં કાતિલ ઠંડી પડતાં રેકોર્ડ 5.3 ડીગ્રી સરેરાશ લઘુતમ તાપમાન નોંધાયું હતું. ગાંધીનગરમાં આગામી ચાર દિવસ 8થી11 ડીગ્રીની આસપાસ લઘુતમ તાપમાન થઈ શકે છે. રાજ્યમાં અન્ય વિસ્તારોમાં 10 ડીગ્રી જેટલું લઘુતમ તાપમાન નોંધાયું છે એમાં ડીસા, પાટણ, પોરબંદર, દાહોદ, રાજકોટ, જામનગર, ભુજ, અમરેલી, કંડલા છે. 

Helmet: ગુજરાતમાં હેલ્મેટના કાયદાનું કડક પાલન ન થતાં હાઈકોર્ટ લાલઘૂમ, ભૂપેન્દ્ર પટેલ સરકારને કરી આ ટકોર

રાજ્યમાં હેલ્મેટના નિયમોનું પાલન નહીં થવાના મુદ્દે હાઇકોર્ટે નારાજગી વ્યક્ત કરી છે. કોર્ટે નોંધ્યું કે, દ્વિચક્રી વાહન ચાલક અને પાછળ બેસનાર માટે હેલ્મેટ ફરજિયાત હોવાનો કાયદો તો છે પરંતુ રાજ્ય સરકાર ત્યાં યોગ્ય અમલવારી નથી કરાવી રહી. આ મુદ્દાનું હાઇકોર્ટે સ્વયં સંજ્ઞાન લેવાની જરૂરિયાત લાગી રહી છે. અમદાવાદ, વડોદરા, રાજકોટ, સુરત, આણંદ, બોટાદ જેવા શહેરોમાં લોકો બે રોકટોક હેલ્મેટ વગર ફરી રહ્યા હોવાનું ચીફ જસ્ટિસના ધ્યાને આવતા આ મુદ્દે કોર્ટ સ્વયં સંજ્ઞાન લઈ શકે છે એવી ચીફ જસ્ટિસે ટકોર પણ કરી,

કોર્ટના અવલોકનો બાદ abp asmita એ અમદાવાદમાં કરેલા રિયાલિટી ચેક માં હેલ્મેટ નહીં પહેરવા ના વિવિધ બહારના અને કારણો આપતા લોકો જોવા મળ્યા. ઘણા અમદાવાદીએ તો ત્યાં સુધી કહ્યું કે તેઓ વર્ષોથી ટુ વ્હીલર ચલાવે છે પણ હેલ્મેટ નો નિયમ છે તેની તેમને ખબર જ નથી!!! ટુ વ્હીલરનું લાયસન્સ લેતી વખતે લેવાતી પરીક્ષામાં હેલ્મેટ ફરજિયાત હોવાનું જણાવાય છે પરંતુ કાયદાનો ચડે ચોક ભંગ થતો હોવા છતાં સરકાર ઢીલાશ રાખતી હોવાની બાબત સામે આવી છે.

શું તમારું હેલ્મેટ ગંદુ થઈ ગયું છે ? આ ટિપ્સ અપનાવીને બનાવો નવા જેવું

ભારતમાં આજે દરેક ઘરમાં એક ટુ વ્હીલર ચોક્કસપણે છે. શાળા, કૉલેજથી લઈને ઑફિસ સુધી, લોકો તેમની સુરક્ષા માટે બાઇક અથવા સ્કૂટીનો ઉપયોગ કરે છે અને હેલ્મેટ પહેરે છે. દિલ્હી જેવા શહેરમાં પાછળ બેઠેલા લોકો માટે હેલ્મેટ પહેરવું ફરજિયાત છે. આવી સ્થિતિમાં દરરોજ ધૂળ અને પ્રદૂષણમાંથી પસાર થવાથી તમારું હેલ્મેટ પણ ગંદુ થઈ જાય છે. હેલ્મેટની અંદર ગંદકી જમા થાય છે અને પરિણામે તેમાંથી દુર્ગંધ આવવા લાગે છે. આવી સ્થિતિમાં, આજે અમે તમને હેલ્મેટ સાફ કરવાની ખૂબ જ સરળ અને સરળ ટિપ્સ જણાવીશું, જે તમારા હેલ્મેટને નવા જેવું બનાવી દેશે.