લલિત મોદીને ઝટકો, વનુઆતુ સરકાર રદ્દ કરશે પાસપોર્ટ, કહ્યું- અમને આ વ્યક્તિના કારનામાની ખબર ન હતી...

Lalit Modi: વનુઆતુ ડેઇલી પૉસ્ટે સોશિયલ મીડિયા પર લખ્યું, 'આંતરરાષ્ટ્રીય મીડિયામાં તાજેતરના ખુલાસા બાદ આ નિર્ણય લેવામાં આવ્યો છે

(તસવીર- એબીપી લાઇવ)

Source : એબીપી અસ્મિતા

Lalit Modi: ભારતના ચૂંગાલમાંથી બચવા માટે ભાગેડુ ઉદ્યોગપતિ લલિત મોદીએ વનુઆતુ નાગરિકતા મેળવી હતી. જોકે, હવે આ મામલે પણ લલિત મોદીને મોટો ઝટકો લાગ્યો છે. ત્યાંના વડાપ્રધાન જોથમ નાપટે નાગરિકતા આયોગને લલિત મોદીને આપવામાં આવેલ પાસપોર્ટ રદ્દ કરવાનો નિર્દેશ આપ્યો છે.

દૈનિક અખબાર વાનુઆતુ ડેઇલી પોસ્ટે તેની ફેસબુક પૉસ્ટમાં આ સંબંધિત માહિતી આપી હતી. રિપોર્ટ અનુસાર, લલિત મોદીનો વાનુઆતુ પાસપોર્ટ રદ કરાવવામાં ન્યૂઝીલેન્ડમાં ભારતના હાઈ કમિશનર નીતા ભૂષણે, કેટલાક અન્ય ટાપુ દેશો સાથે મળીને મહત્વપૂર્ણ ભૂમિકા ભજવી હતી.

આ કારણે ભરવામાં આવ્યું પગલું - 
વનુઆતુ ડેઇલી પૉસ્ટે સોશિયલ મીડિયા પર લખ્યું, 'આંતરરાષ્ટ્રીય મીડિયામાં તાજેતરના ખુલાસા બાદ આ નિર્ણય લેવામાં આવ્યો છે. બાકીની માહિતી હું આવતીકાલના અખબારમાં આપીશ.' આ વખતે તેણે વધારે માહિતી શેર કરી નથી. એવો દાવો કરવામાં આવ્યો હતો કે વનુઆતુને પાછળથી ખબર પડી કે લલિત મોદી એક ભાગેડુ ભારતીય ઉદ્યોગપતિ છે, જેના કારણે આ નિર્ણય લેવામાં આવ્યો હતો.

7 માર્ચે ભારતીય પાસપોર્ટ સરેન્ડર કરવા માટે કરવામાં આવી હતી અરજી 
લલિત મોદીએ 7 માર્ચે પોતાનો ભારતીય પાસપોર્ટ પરત કરવા માટે અરજી કરી હતી અને બાદમાં વિદેશ મંત્રાલયે પણ તેની પુષ્ટિ કરી હતી. લલિત મોદી 2010 માં ભારત છોડીને લંડનમાં રહે છે. આ અંગે વિદેશ મંત્રાલયના પ્રવક્તા રણધીર જયસ્વાલે કહ્યું હતું કે, 'તેમણે લંડન સ્થિત ભારતીય હાઈ કમિશનમાં પોતાનો પાસપોર્ટ જમા કરાવવા માટે અરજી કરી છે.'

તેમણે વધુમાં કહ્યું, 'આની તપાસ હાલના નિયમો હેઠળ કરવામાં આવશે.' અમને એમ પણ કહેવામાં આવ્યું છે કે તેણે વનુઆતુ નાગરિકતા મેળવી લીધી છે. અમે કાયદાની સંપૂર્ણ હદ સુધી તેમની સામે કેસ ચાલુ રાખીશું. ઉલ્લેખનીય છે કે લલિત મોદી પર ભારતીય ક્રિકેટ કંટ્રોલ બોર્ડ (BCCI) ના ઉપાધ્યક્ષ રહીને છેતરપિંડી, મની લોન્ડરિંગ અને ફોરેન એક્સચેન્જ મેનેજમેન્ટ એક્ટ 1999 (FEMA) ના ઉલ્લંઘનનો આરોપ છે.

આ પણ વાંચો