Dayro Photos: ડાયરામાં ફરી રૂપિયા ઉડ્યાં, દ્વારકામાં કીર્તિદાન અને ભીખુદાનની ઉપર કરાયો રૂપિયાનો વરસાદ, જુઓ તસવીરો....

આ લોક-ડાયરામાં કીર્તિદાન ગઢવી, ભીખુદાન ગઢવી જેવા કેટલાક કલાકારોએ રંગત જમાવી હતી

(તસવીર- એબીપી અસ્મિતા ન્યૂઝ)

Dwarka Dayro News: ગુજરાતની સંસ્કૃતિમાં ડાયરાનું આગવુ મહત્વ છે, ખાસ કરીને સૌરાષ્ટ્ર અને કચ્છ વિસ્તારોમાં ડાયરાને અલગ પ્રકારે જ માન આપવામાં આવે છે. અવાર નવાર સમાચારો સામે આવે છે કે, ડાયરામાં રૂપિયાનો વરસાદ થયો હવે આવા જ સમાચાર ફરી એકવાર દેવભૂમિ દ્વારકામાંથી સામે આવ્યા છે.

દ્વારકામાં ચાલી રહેલા આઇ સોનલ માતાજીના શતાબ્દી મહોત્સવ અંતર્ગત કરવામાં આવેલા ડાયરામાં રૂપિયાનો ફરી એકવાર વરસાદ જોવા મળ્યો છે. આનો વીડિયો હાલમાં ખુબ જ વાયરલ થઇ રહ્યો છે.

મળતી માહિતી પ્રમાણે, ગુજરાતમાં ફરી એકવાર દેવભૂમિ દ્વારકામાં ડાયરાની રમઝટ જામી છે, ડાયરાની રમઝટમાં ફરી એકવાર રૂપિયાનો વરસાદ જોવા મળ્યો છે,

ખરેખરમાં, હાલમાં જ દ્વારકા ખાતે એક મોટા લોક-ડાયરાનું આયોજન થયુ હતુ, જેમાં ચલણી નોટોનો વરસાદ થયો હતો.

અહીં આઈ સોનલ માં ના શતાબ્દી મહોત્સવ અંતર્ગત આ ભવ્ય લોક-ડાયરાનું આયોજન થયુ હતુ જેમાં રૂપિયાનો વરસાદ થયો હતો.

આ લોક-ડાયરામાં કીર્તિદાન ગઢવી, ભીખુદાન ગઢવી જેવા કેટલાક કલાકારોએ રંગત જમાવી હતી.

આ લોકડાયરામાં કીર્તિદાન ગઢવી તેમજ અન્ય ગાયક કલાકારો પર નોટોના વરસાદ થયો હતો, જેનો વીડિયો હાલમાં ખુબ જ વાયરલ થઇ રહ્યો છે.

આ પ્રસંગે ધારાસભ્ય પબુભા માણેક સહિત બીજા અનેક લોકોએ ચલણી નોટોનો વરસાદ કર્યો હતો.