LSG vs PBKS: લખનૌએ પંજાબને 21 રનથી હરાવ્યું, મયંકે 3 વિકેટ લીધી
Lucknow Super Giants vs Punjab Kings LIVE: આજે લખનૌ સુપર જાયન્ટ્સ અને પંજાબ કિંગ્સ વચ્ચે મેચ રમાશે. આ મેચ સંબંધિત લાઇવ અપડેટ્સ અહીં વાંચો.
LIVE
Background
લખનૌએ પંજાબને 21 રનથી હરાવ્યું
LSG vs PBKS: લખનૌ સુપર જાયન્ટ્સ અને પંજાબ કિંગ્સ વચ્ચેની મેચ 30 માર્ચે અટલ બિહારી વાજપેયી ઈકાના સ્ટેડિયમમાં રમાઈ હતી. લખનૌએ પ્રથમ રમત રમીને 199 રનનો મોટો ટાર્ગેટ આપ્યો હતો. આ ટાર્ગેટ હાંસલ કરવામાં ક્વિન્ટન ડી કોકના ફિફ્ટી, નિકોલસ પૂરનના 21 બોલમાં 42 રન અને કૃણાલ પંડ્યાના 22 બોલમાં 43 રનનો આ લક્ષ્યાંક હાંસલ કરવામાં મહત્ત્વનો ફાળો રહ્યો હતો. ટાર્ગેટનો પીછો કરવા આવેલી પંજાબ કિંગ્સની ટીમને શાનદાર શરૂઆત મળી હતી, પરંતુ ઇનિંગ્સની છેલ્લી 10 ઓવરમાં સતત વિકેટ પડવાના કારણે પંજાબ 21 રનથી મેચ હારી ગયું હતું.
પંજાબને પહેલો ફટકો, બેયરસ્ટો આઉટ
લખનૌ તરફથી મયંક યાદવે પ્રથમ વિકેટ ઝડપી હતી. તેણે ડેબ્યૂ મેચમાં જ વિકેટ લીધી હતી. પંજાબ કિંગ્સનો જોની બેરસ્ટો 42 રન બનાવીને આઉટ થયો હતો. 29 બોલનો સામનો કરીને તેણે 3 ફોર અને 3 સિક્સ ફટકારી હતી.
ધવન-બેયરસ્ટો વચ્ચે સારી ભાગીદારી
પંજાબ કિંગ્સની ઈનિંગની 5 ઓવર પૂરી થઈ ગઈ છે. ટીમે કોઈપણ નુકસાન વિના 45 રન બનાવ્યા છે. શિખર ધવન 20 બોલમાં 26 રન બનાવીને રમી રહ્યો છે. બેયરસ્ટો 19 રન બનાવીને રમી રહ્યો છે. લખનૌની ટીમ ફરી એકવાર મોહસીનને બોલિંગ આક્રમણમાં લાવી છે.
લખનૌએ પંજાબને 200 રનનો ટાર્ગેટ આપ્યો હતો
લખનૌ સુપર જાયન્ટ્સે પંજાબ કિંગ્સને જીતવા માટે 200 રનનો ટાર્ગેટ આપ્યો હતો. લખનૌએ 20 ઓવરમાં 8 વિકેટ ગુમાવીને 199 રન બનાવ્યા હતા. લખનૌ માટે કૃણાલ પંડ્યા, ક્વિન્ટન ડી કોક અને નિકોલસ પૂરને શાનદાર પ્રદર્શન કર્યું હતું. પંડ્યાએ 22 બોલમાં અણનમ 43 રન બનાવ્યા હતા. તેણે 4 ચોગ્ગા અને 2 છગ્ગા ફટકાર્યા હતા. પુરણે 21 બોલમાં 42 રન બનાવ્યા હતા. ડી કોકે અડધી સદી ફટકારી હતી. તેણે 38 બોલમાં 54 રન બનાવ્યા હતા.
લખનૌનો સ્કોર 150 રનને પાર
લખનૌનો સ્કોર 150 રનને પાર કરી ગયો છે. ટીમે 16 ઓવર બાદ 5 વિકેટ ગુમાવીને 157 રન બનાવ્યા હતા. કૃણાલ પંડ્યા 4 બોલમાં 10 રન બનાવીને રમી રહ્યો છે. આયુષ 5 બોલમાં 4 રન બનાવીને રમી રહ્યો છે. આ ઓવરમાં પંજાબ તરફથી કાગિસો રબાડાને પણ એક વિકેટ મળી હતી.
ટ્રેન્ડિંગ સમાચાર
ટોપ સ્ટોરી
