Gandhi Godse Ek Yudh Trailer: 'વિચારો કી જંગ હૈ' રાજકુમાર સંતોષીની ફિલ્મ 'ગાંધી ગોડસે એક યુદ્ધ', શાનદાર ટ્રેલર થયું રિલીઝ
Gandhi Godse Ek Yudh:ડિરેક્ટર રાજકુમાર સંતોષીની ફિલ્મ 'ગાંધી ગોડસે એક યુદ્ધ'નું શાનદાર ટ્રેલર રિલીઝ થયું.મહાત્મા ગાંધી અને નાથુરામ ગોડસે વચ્ચેના વિચારોના યુદ્ધની વાર્તા આ ફિલ્મમાં બતાવવામાં આવી છે.
Gandhi Godse Ek Yudh Trailer Out Now: જ્યારે પણ હિન્દી સિનેમાના દિગ્ગજ ફિલ્મ સર્જકોની ચર્ચા કરવામાં આવશે ત્યારે રાજકુમાર સંતોષીનું નામ પણ તેમાં સામેલ થશે. લાંબા સમય બાદ રાજકુમાર સંતોષી ફિલ્મ 'ગાંધી ગોડસે એક યુદ્ધ' દ્વારા મોટા પડદા પર કમબેક કરવા જઈ રહ્યા છે. 'ગાંધી ગોડસે એક યુદ્ધ'નું શાનદાર ટ્રેલર 11 જાન્યુઆરીએ રિલીઝ થયું છે. જેમાં મહાત્મા ગાંધી અને નાથુરામ ગોડસેના મંતવ્યો વચ્ચે કઠોર યુદ્ધ બતાવવામાં આવ્યું છે.
'ગાંધી ગોડસે એક યુદ્ધ'નું ટ્રેલર સામે આવ્યું
2 જાન્યુઆરીએ ડિરેક્ટર રાજકુમાર સંતોષીની ફિલ્મ 'ગાંધી ગોડસે એક યુદ્ધ'નું ટીઝર સામે આવ્યું હતું. ત્યારથી બધા આ ફિલ્મના ટ્રેલરની આતુરતાથી રાહ જોઈ રહ્યા હતા. આવી સ્થિતિમાં હવે દર્શકોની માંગ પર ફિલ્મ 'ગાંધી ગોડસે એક યુદ્ધ'નું ટ્રેલર રિલીઝ કરવામાં આવ્યું છે. 3 મિનિટ 10 સેકન્ડના આ ફિલ્મના ટ્રેલરમાં તમે ભારતના એ જમાનામાં પહોંચી જશો, જ્યાં આઝાદી પછી વિભાજનની સ્થિતિ રહી હતી.
ફિલ્મમાં ગાંધી- ગોંડસેના વિચારો દર્શાવાયા
મહાત્મા ગાંધી અને નાથુરામ ગોડસે વચ્ચે તણાવ કેવી રીતે શરૂ થયો અને ગોડસે ગાંધીના વિચારોની વિરુદ્ધ કેમ હતો? ગાંધી ગોડસે એક યુદ્ધના આ અદ્ભુત ટ્રેલરમાં તમને આવી ઘણી રસપ્રદ વાતો સરળતાથી મળી જશે. આ ફિલ્મ ગાંધી અને ગોડસેની અલગ અલગ વિચારધારાઓને પણ દર્શાવતી હોય તેવું લાગે છે. રાજકુમાર સંતોષીની ફિલ્મના ટ્રેલર પરથી અંદાજ લગાવી શકાય છે કે આ ફિલ્મ થિયેટરમાં અજાયબીઓ કરી શકે છે. ફિલ્મ ગાંધી ગોડસે એક યુદ્ધનું ટ્રેલર લોકોને ખૂબ જ પસંદ આવી રહ્યું છે. સોશિયલ મીડિયા પર લોકો ખૂબ જ વખાણ કરી રહ્યા છે.
'ગાંધી ગોડસે એક યુદ્ધ' ક્યારે રિલીઝ થશે?
ટ્રેલર રિલીઝ થયા બાદ રાજકુમાર સંતોષીની 'ગાંધી ગોડસે એક યુદ્ધ'ની ચર્ચા દરેક જગ્યાએ થઈ રહી છે. ગણતંત્ર દિવસ એટલે કે 26 જાન્યુઆરીના અવસર પર ફિલ્મ 'ગાંધી ગોડસે એક યુદ્ધ' સિનેમાઘરોમાં રિલીઝ થશે. ગુજરાતી ફિલ્મ ડાયરેક્ટર દીપક અંતાણી આ ફિલ્મમાં મહાત્મી ગાંધીના રોલમાં જોવા મળશે. જ્યારે નાથુરામ ગોડસેનું પાત્ર ચિન્મય માંડેલકર ભજવે છે. નોંધનીય છે કે રાજકુમાર સંતોષીની પુત્રી તનિષા સંતોષી પણ આ ફિલ્મમાં ડેબ્યૂ કરતી જોવા મળશે.
ટ્રેન્ડિંગ સમાચાર
ટોપ સ્ટોરી
