Health :મેંદાની બનેલી વાનગી ખાવાના શોખિન છો તો સાવધાન, શરીર પર થાય છે ગંભીર અસર, રિસર્ચમાં ખુલાસો

Maida Side Effects: પ્રોસેસિંગ દરમિયાન લોટમાંથી બ્રાન અને જર્મ્સ દૂર કરવામાં આવે છે. જેના કારણે તેમાં રહેલા વિટામીન, મિનરલ્સ અને ફાઈબર પણ નાશ પામે છે.

પ્રતીકાત્મક તસવીર ( freepik)

Source : freepik

Maida Side Effectsઆજકાલ મોટી સંખ્યામાં લોકો નૂડલ્સ, પિઝા, સમોસા, નાન અને મોમોઝના રૂપમાં સફેદ લોટનું આડેધડ સેવન કરી રહ્યા છે. મોટાભાગે મેંદાના લોટથી જ સ્ટ્રીટ ફૂડ, જંક ફૂડ અને ફાસ્ટ ફૂડ બને છે. મેંદો  એક રિફાઇન્ડ લોટ છે, જેને 'સફેદ ઝેર' કહેવું જરા પણ અતિશ્યોક્તિ ભર્યુ નથી.  જે લોકો ઝીણા લોટની બનેલી વસ્તુઓ ખાય છે તેઓ પણ જાણે છે કે તેનાથી સ્વાસ્થ્ય પર ખરાબ અસર પડી શકે છે. પરંતુ તેમ છતાં તેઓ તેને ખાય છે, કારણ કે તેમાંથી બનેલી ખાદ્ય વસ્તુઓ મસાલેદાર અને સ્વાદિષ્ટ હોય છે. એટલે કે, લોકો સ્વાદ ખાતર આરોગ્યને નેવે  મૂકી દે છે.  ચાલો જાણીએ કે સફેદ લોટ સ્વાસ્થ્ય માટે આટલો ખતરનાક કેમ માનવામાં આવે છે.

પ્રોસેસિંગ દરમિયાન  લોટમાંથી બ્રાન અને જર્મ્સ દૂર કરવામાં આવે છે. જેના કારણે તેમાં રહેલા વિટામીન, મિનરલ્સ અને ફાઈબર પણ નાશ પામે છે.. લોટમાં કાર્બોહાઈડ્રેટ હોય છે. તેમાં પ્રોટીનનું પ્રમાણ ખૂબ જ ઓછું હોય છે. એટલું જ નહીં, તેનો ગ્લાયસેમિક ઇન્ડેક્સ પણ વધારે છે, જેના કારણે ડાયાબિટીસના દર્દીઓ તેનું સેવન કરી શકતા નથી. કારણ કે તે અચાનક બ્લડ શુગર લેવલ વધારી શકે છે. જેટલું પોષણ ઘઉંના લોટમાં હોય છે એટલું પોષણ મેંદામાં નથી હોતું.

લોટમાં હાનિકારક રસાયણો હોય છે

આજકાલ કારખાનાઓમાં લોટ બને છે. લોટને ગાઢ સફેદ રંગ આપવા માટે બેન્ઝોઈલ પેરોક્સાઇડ જેવા હાનિકારક રસાયણોથી બ્લીચ કરવામાં આવે છે. એટલું જ નહીં, લોટને વધુ નરમ બનાવવા માટે 'એલોક્સન' નામનું કેમિકલ ઉમેરવામાં આવી રહ્યું છે. જ્યારે તમે આવા લોટનું સેવન કરો છો, ત્યારે આ રસાયણો તમારા શરીરમાં પ્રવેશીને તમારા સ્વાસ્થ્યને ખરાબ રીતે નુકસાન પહોંચાડે છે.

તેને પચવામાં ઘણો સમય લાગે છે

 રિફાઈન્ડ લોટને પચવામાંપણ  વધુ સમય લાગે છે. જોકે, તેના પાચનનો સમય અલગ-અલગ લોકોમાં અલગ-અલગ રીતે જોવામાં આવે છે. આખા અનાજ અથવા ઉચ્ચ ફાઇબર ખાદ્ય પદાર્થોની સરખામણીમાં મેંદો ઝડપથી પચી જાય છે. મેંદાને પચવામાં લગભગ 10-12 કલાક જેટલો સમય લાગે છે.

ગેરફાયદા શું છે?

મેંદાને માનવ સ્વાસ્થ્ય માટે બિલકુલ ફાયદાકારક માનવામાં આવતો નથી. કારણ કે તેને ખાવાથી શરીરને પોષણ મળતું નથી. તેની સીધી અસર રોગપ્રતિકારક શક્તિ પર થાય છે અને જો રોગપ્રતિકારક શક્તિ નબળી પડી જાય તો શરીર અનેક ગંભીર રોગોનો શિકાર બની શકે છે.

હાર્વર્ડ યુનિવર્સિટીના એક રિસર્ચ અનુસાર, વધુ પડતો લોટ ખાવાથી મગજ પર ખરાબ અસર પડે છે. વિચારવાની અને સમજવાની ક્ષમતા નબળી પડવા લાગે છે. ભવિષ્યમાં ડિમેન્શિયા થઈ શકે છે. હાડકાં નબળાં થવા લાગે છે. જો તમે મેંદાના લોટનું વધુ પડતું સેવન કરો છો, તો પછી તમને હાઈ બ્લડ પ્રેશર, ડાયાબિટીસ, સ્થૂળતા અને હૃદય રોગનું પણ જોખમ વધી જાય છે.