ઘર ખરીદવા પર મોદી સરકારની ભેટ, હોમ લોન પર મળશે 4% સબસિડી, જાણો નિયમ અને શરતો
PMAY-U 2.0: ઓછી આવક ધરાવતા પરિવારો માટે આવાસ યોજના, આવક મર્યાદા અને અન્ય શરતો જાણો
Pradhan Mantri Awas Yojana: કેન્દ્ર સરકારે પ્રધાનમંત્રી આવાસ યોજના-શહેરી 2.0 (PMAY-U 2.0) હેઠળ ઓછી આવક ધરાવતા પરિવારોને ઘરનું ઘરનું સ્વપ્ન સાકાર કરવામાં મદદરૂપ થવા માટે હોમ લોન પર 4% સુધીની સબસિડી આપવાની જાહેરાત કરી છે. આ યોજના ‘હાઉઝિંગ ફોર ઓલ’ના વિઝન સાથે દેશભરના પાત્ર શહેરી પરિવારોને પાકાં મકાનો ઉપલબ્ધ કરાવવાના ઉદ્દેશ્યથી શરૂ કરવામાં આવી છે.
કોણ છે પાત્ર?
આ યોજના હેઠળ, આર્થિક રીતે નબળા વર્ગ (EWS), ઓછી આવક જૂથ (LIG) અને મધ્યમ આવક જૂથ (MIG)ના પરિવારો જ સબસિડી મેળવવા માટે પાત્ર છે. પાત્રતા માટે આવકનો પુરાવો આપવો જરૂરી છે. આવક મર્યાદા નીચે મુજબ છે:
EWS: વાર્ષિક આવક ₹3 લાખ સુધી
LIG: વાર્ષિક આવક ₹3 લાખથી ₹6 લાખ સુધી
MIG: વાર્ષિક આવક ₹6 લાખથી ₹9 લાખ સુધી
જો તમે 1 સપ્ટેમ્બર, 2024 પછી ઘર ખરીદવા, ફરીથી વેચવા અથવા બાંધવા માટે હોમ લોન લીધી હોય, તો તમને આ યોજનાનો લાભ મળી શકે છે. આ યોજના આગામી પાંચ વર્ષ માટે અમલમાં રહેશે.
સબસિડીની વિગતો:
₹35 લાખ સુધીની કિંમતના મકાન માટે ₹25 લાખ સુધીની હોમ લોન લેનાર લાભાર્થી 12 વર્ષની મુદત માટે પ્રથમ ₹8 લાખની લોન પર 4 ટકા વ્યાજ સબસિડી માટે પાત્ર બનશે.
EWS કેટેગરીના પાત્ર પરિવારોને તેમની ઉપલબ્ધ જમીન પર 45 ચોરસ મીટર સુધીના નવા પાકાં મકાનો બનાવવા માટે ₹2.5 લાખ સુધીની નાણાકીય સહાય આપવામાં આવે છે.
કોણ પાત્ર નથી?
છેલ્લા 20 વર્ષમાં કેન્દ્ર સરકાર, રાજ્ય/કેન્દ્રશાસિત પ્રદેશ સરકાર અથવા સ્થાનિક સ્વરાજ્યની કોઈપણ આવાસ યોજના હેઠળ મકાન મેળવનાર લાભાર્થી.
31.12.2023 પછી કોઈપણ કારણોસર કેન્દ્રીય મંજૂરી અને દેખરેખ સમિતિ (CSMC) દ્વારા ઘટાડવામાં આવેલ PMAY-U હેઠળના મકાનોના લાભાર્થી.
પ્રધાનમંત્રી આવાસ યોજના - શહેરી ચાર ઘટકો દ્વારા લાગુ કરવામાં આવે છે:
લાભાર્થી આધારિત બાંધકામ
ભાગીદારી પરવડે તેવા આવાસ
પરવડે તેવા ભાડાના મકાનો
વ્યાજ સબસિડી યોજના
પાત્ર લાભાર્થીઓને પાંચ વાર્ષિક હપ્તામાં ₹1.80 લાખ સુધીની કેન્દ્રીય સહાય આપવામાં આવે છે. ભાગીદારીમાં પરવડે તેવા આવાસ વર્ટિકલ EWS લાભાર્થીઓને કાયમી મકાનો ખરીદવા માટે નાણાકીય સહાય પૂરી પાડે છે.
આ પણ વાંચો....
ટોપ સ્ટોરી
ટ્રેન્ડિંગ સમાચાર
