દેશના 8 શહેરોમાં સેફ સીટી  પ્રોજેક્ટને મળી મંજૂરી, ગુજરાતના આ શહેરનો સમાવેશ 

મહિલા સલામતી માટેના પહેલના ભાગરૂપે દેશના આઠ શહેરોમાં સેફ સિટી પ્રોજેક્ટ્સને મંજૂરી આપવામાં આવી છે. ગૃહ મંત્રાલયે મંગળવારે સંસદમાં આ અંગે માહિતી આપી હતી.

નવી દિલ્હી:  મહિલા સલામતી માટેના પહેલના ભાગરૂપે દેશના આઠ શહેરોમાં સેફ સિટી પ્રોજેક્ટ્સને મંજૂરી આપવામાં આવી છે. ગૃહ મંત્રાલયે મંગળવારે સંસદમાં આ અંગે માહિતી આપી હતી.  નિર્ભયા ભંડોળ યોજના અંતર્ગત કેન્દ્ર દ્વારા જે શહેરોને આ પ્રોજેક્ટની મંજૂરી આપવામાં આવી છે. કેંદ્ર સરકાર દ્વારા જે આઠ શહેરોના નામ જાહેર કરવામાં આવ્યા છે તેમાં ગુજરાતના અમદાવાદ શહેરનો પણ સમાવેશ કરવામાં આવ્યો છે. આ આઠ શહેરમાં  અમદાવાદ, બેંગલુરુ, ચેન્નાઈ, દિલ્હી, હૈદરાબાદ, કોલકાતા, લખનઉ અને મુંબઇનો સામાવેશ કરવામાં આવ્યો છે.

પ્રોજેક્ટ્સની આગામી બેચ માટે શહેરો, તેનો નિર્ણય લેવામાં આવ્યો નથી.

એક પ્રશ્નના જવાબમાં કેન્દ્રીય ગૃહ રાજ્ય મંત્રી અજયકુમાર મિશ્રાએ કહ્યું હતું કે 'પોલીસ' અને 'જાહેર હુકમ' રાજ્યનો વિષય હોવા છતાં, આ પ્રોજેક્ટને કેન્દ્રીય ગૃહ મંત્રાલયે મંજૂરી આપી દીધી છે.

"ભારતીય સંવિધાનની સાતમી સૂચિ હેઠળ 'પોલીસ' અને 'જાહેર હુકમ' હોવા છતાં, કેન્દ્ર સરકાર દ્વારા મહિલાઓની સુરક્ષા માટે અનેક પહેલના ભાગરૂપે ગૃહ મંત્રાલય દ્વારા સેફ સિટી પ્રોજેક્ટ્સને મંજૂરી આપવામાં આવી છે. અજય કુમાર મિશ્રાએ જણાવ્યું હતું કે કાયદો અને વ્યવસ્થા જાળવવાની, મહિલાઓ વિરુદ્ધના ગુનાઓ સહિત નાગરિકોના જીવન અને સંપત્તિની સુરક્ષાની જવાબદારીઓ સંબંધિત રાજ્ય સરકારની છે.

બાદમાં તેમણે માહિતી આપી હતી કે રાજ્યના સ્તરની એપેક્સ સમિતિ દ્વારા આ પ્રોજેક્ટના અમલીકરણની નિયમિત સમીક્ષા કરવામાં આવે છે અને સ્પષ્ટતા કરી છે કે ગૃહ મંત્રાલયમાં ચોક્કસ વિગતો રાખવામાં આવતી નથી.

આ પ્રોજેક્ટ હેઠળ શહેરોની આગામી બેચ વિશે પૂછતાં મંત્રીશ્રીએ કહ્યું કે શહેરોની આગામી બેચના પસંદગી માટેના માપદંડ નક્કી થયા નથી અને નવા પ્રોજેક્ટ્સ માંગ આકારણી અને પ્રોજેક્ટ શક્યતા પર આધારીત રહેશે. અજયકુમાર મિશ્રાએ વધુમાં જણાવ્યું હતું કે સેફ સિટી પ્રોજેક્ટ માર્ગદર્શિકા, રાજ્યો અને કેન્દ્રશાસિત  પ્રદેશો સ્માર્ટ સિટી પ્રોજેક્ટ સહિત અન્ય ચાલુ પ્રોજેક્ટ્સ અથવા યોજનાઓ સાથે જોડાવા માટે પ્રદાન કરે છે.