હવે LMV લાયસન્સ મેળવનાર પણ ચલાવી શકશે 7500 કિલોગ્રામના કોમર્શિયલ વાહન, સુપ્રીમ કોર્ટનો નિર્ણય
સુપ્રીમ કોર્ટે આજે એક મહત્વનો ચુકાદો આપ્યો છે, હવે LMV લાયસન્સ ધરાવતા લોકો પણ 7,500 કિલો સુધીના ભારે પરિવહન વાહનો ચલાવી શકશે.
કોમર્શિયલ વાહન ચાલકોને મોટી રાહત આપતા સુપ્રીમ કોર્ટે બુધવારના રોજ આદેશ આપ્યો છે કે જેમની પાસે લાઇટ મોટર વ્હીકલ (LMV) લાઇસન્સ છે તેઓ હવે 7,500 કિલો સુધીના વજનના વાહનો ચલાવી શકશે.
ઉલ્લેખનિય છે કે,આ મામલો ત્યારે ચર્ચાનો વિષય બની ગયો હતો જ્યારે અકસ્માત કેસોમાં વીમા કંપનીઓ તરફથી વળતરના દાવાને લઈને વિવાદો સામે આવવા લાગ્યા હતા. અગાઉ, પરિવહન વાહનો એલએમવી ડ્રાઇવિંગ લાઇસન્સ ધારકો દ્વારા ચલાવવામાં આવતા હતા. મુખ્ય ન્યાયાધીશ ડીવાય ચંદ્રચુડની આગેવાની હેઠળની પાંચ સભ્યોની બંધારણીય બેન્ચે આ અંગે પોતાનો ચુકાદો આપતાં કહ્યું હતું કે એલએમવી લાયસન્સ ધારકો માત્ર 7500 કિલો વજનના વાહનો જ ચલાવી શકે છે. મુખ્ય ન્યાયાધીશ ડી.વાય. ચંદ્રચુડની આગેવાની હેઠળની પાંચ જજોની બંધારણીય બેંચનો આ નિર્ણય વીમા કંપનીઓ માટે મોટો ફટકો છે.
સર્વ સંમતિથી લેવાયો નિર્ણય
જજ ડી.વાય. ચંદ્રચુડની આગેવાની હેઠળની પાંચ જજોની બંધારણીય બેંચનો નિર્ણય વીમા કંપનીઓ માટે ઝટકો છે. વીમા કંપનીઓ એવા દાવાઓને નકારી કાઢતી હતી જે ચોક્કસ વજનના પરિવહન વાહનો અને ડ્રાઇવરોને કાનૂની શરતો અનુસાર ચલાવવા માટે અધિકૃત ન હોય તેવા અકસ્માતો સાથે સંબંધિત હતા. ઉલ્લેખનિય છે કે,સુપ્રીમ કોર્ટના પાંચ જજોની બંધારણીય બેન્ચે સર્વસંમતિથી આ નિર્ણય લીધો છે.
કોર્ટે આમ કહી વીમા કંપનીઓની દલીલોને ફગાવી દીધી
સુપ્રીમ કોર્ટે કહ્યું કે, લાખો લોકો આવા પરિવહન વાહનો ચલાવીને રોજગાર કમાઈ રહ્યા છે જેનું વજન 7500 કિલોગ્રામથી ઓછું છે. LMV લાઇસન્સ ધરાવતા આવા ડ્રાઇવરો ડ્રાઇવિંગમાં મહત્તમ સમય પસાર કરે છે. વીમા કંપનીઓ એ બતાવવામાં નિષ્ફળ રહી છે કે LMV લાયસન્સ ધરાવતા ડ્રાઇવરો ભારે કોમર્શિયલ વાહનો ચલાવતા હોવાને કારણે અકસ્માતો થઈ રહ્યા છે. કોર્ટે કહ્યું કે માર્ગ સુરક્ષા સમગ્ર વિશ્વ માટે ગંભીર વિષય છે. ગયા વર્ષે ભારતમાં માર્ગ અકસ્માતમાં 1.7 લાખ લોકોના મોત થયા હતા, પરંતુ એવું ન કહી શકાય કે માત્ર LMV લાઇસન્સ ધારકો જ આ માટે જવાબદાર છે. સીટ બેલ્ટ, હેલ્મેટ, વાહન ચલાવતી વખતે મોબાઈલનો ઉપયોગ, નશો જેવા નિયમોનું પાલન ન કરવું એ ઘણા કારણો છે જેના કારણે માર્ગ અકસ્માતો થાય છે.
લાઇસન્સિંગ ઓથોરિટીને આ સૂચન આપ્યું હતું
સુનાવણી દરમિયાન સુપ્રીમ કોર્ટે કહ્યું હતું કે, 7500 કિલો વજનના ખાનગી કે કોમર્શિયલ વાહનો વચ્ચે તફાવત કરવો યોગ્ય નથી. આનાથી વધુ વજન ધરાવતા વાહનો માટે ખાસ લાયસન્સનો નિયમ હોવો જોઈએ. જો કે, કોર્ટે એમ પણ કહ્યું છે કે લાયસન્સ ઓથોરિટીએ ડ્રાઇવિંગ લાઇસન્સ આપતી વખતે દરેક નિયમનું પાલન કરવું જોઈએ. કોર્ટનો મતલબ હતો કે ઓથોરિટીએ ડ્રાઇવિંગ ટેસ્ટ લેવો જ જોઇએ.
આ મુદ્દો 2017માં પ્રથમ વખત ઉઠાવવામાં આવ્યો હતો
2017 માં, મુકુંદ દેવાંગન વિ. ઓરિએન્ટલ ઇન્સ્યોરન્સ કંપની લિમિટેડના કેસમાં, સુપ્રીમ કોર્ટની ત્રણ જજોની બેન્ચે કહ્યું હતું કે પરિવહન વાહનો કે જેનું કુલ વજન 7,500 કિલોગ્રામથી ઓછું હોય તેને LMV એટલે કે હળવા મોટર વાહનની વ્યાખ્યામાંથી બાકાત કરી શકાય નહીં. . આ નિર્ણય બાદ મોટી સંખ્યામાં વીમા દાવાઓ શરૂ થઈ ગયા. તેની સામે વીમા કંપનીઓએ અરજી કરી હતી.
ટોપ સ્ટોરી
ટ્રેન્ડિંગ સમાચાર
