BAN vs SL Live Score: શાન્ટો-શાકીબની શાનદાર બેટિંગ, બાંગ્લાદેશે શ્રીલંકાને 3 વિકેટથી આપી હાર
2023ના વર્લ્ડકપમાં આજે બાંગ્લાદેશ અને શ્રીલંકા વચ્ચે મેચ રમાઇ રહી છે. આ મેચ દિલ્હીના અરુણ જેટલી સ્ટેડિયમમાં રમાઇ રહી છે
LIVE
Background
Bangladesh vs Sri Lanka Live Updates: 2023ના વર્લ્ડકપમાં આજે બાંગ્લાદેશ અને શ્રીલંકા વચ્ચે મેચ રમાઇ રહી છે. આ મેચ દિલ્હીના અરુણ જેટલી સ્ટેડિયમમાં રમાઇ રહી છે. બાંગ્લાદેશ સેમિફાઇનલની રેસમાંથી બહાર છે પરંતુ શ્રીલંકા માટે હજુ પણ આશા જીવંત છે. આ આશાને જીવંત રાખવા માટે શ્રીલંકાના ખેલાડીઓ આજે મેદાનમાં ઉતર્યા છે.
બાંગ્લાદેશની જીત, શ્રીલંકા સેમી ફાઈનલની રેસમાંથી બહાર થનારી ત્રીજી ટીમ
વર્લ્ડ કપની 38મી મેચમાં બાંગ્લાદેશે શ્રીલંકાને ત્રણ વિકેટે હરાવ્યું છે. આ હાર સાથે જ શ્રીલંકાની ટીમ સત્તાવાર રીતે સેમીફાઈનલની રેસમાંથી બહાર થઈ ગઈ છે. નવી દિલ્હીના અરુણ જેટલી સ્ટેડિયમમાં પ્રથમ બેટિંગ કરતા શ્રીલંકાએ 49.3 ઓવરમાં 279 રન બનાવ્યા હતા. બાંગ્લાદેશે સાત વિકેટ ગુમાવીને 282 રન બનાવ્યા અને મેચ જીતી લીધી.
બાંગ્લાદેશને 7મો ફટકો
40.1 ઓવરના અંતે બાંગ્લાદેશનો સ્કોર 7 વિકેટના નુકસાન પર 269 રન છે. જીતવા 11 રનની જરૂર છે. હસન સાકીબ 4 અને હૃદોય 15 રને રમતમાં છે. મહમુદુલ્લા 22 રન, મુશ્ફીરક રહીમ 10 રન અને મહેંદી હસન મિરાઝ 3 રન બનાવી આઉટ થયા હતા.
શાન્ટો સદી ચુક્યો
37 ઓવરના અંતે બાંગ્લાદેશનો સ્કોર 4 વિકેટના નુકસાન પર 247 રન છે. જીતવા 78 બોલમાં 33 રનની જરૂર છે. મહમુદુલ્લા 22 અને રહીમ 8 રને રમતમાં છે. શાન્ટો 90 રન બનાવી અને શાકીબ અલ હસન 82 રન બનાવી આઉટ થયા હતા.
શાન્ટો બાદ શાકીબે ફટકારી ફિફ્ટી
25 ઓવરના અંતે બાંગ્લાદેશનો સ્કોર 2 વિકેટના નુકસાન પર 161 રન છે. નજમુલ શાન્ટો 71 રને અને શાકિબ અલ હસન 251 રને રમતમાં છે. બંને સ્કોર બોર્ડને ફરતું રાખવાની સાથે નબળા બોલ પર પ્રહાર કરી રહ્યા છે. બાંગ્લાદેશને મેચ જીતવા 25 ઓવરમાં 119 રનની જરૂર છે અને 8 વિકેટ હાથમાં છે.
બાંગ્લાદેશ 100 રનને પાર
18 ઓવરના અંતે બાંગ્લાદેશનો સ્કોર 2 વિકેટના નુકસાન પર 108 રન છે. નજમુલ શાન્ટો 40 રને અને શાકિબ અલ હસન 29 રને રમતમાં છે. બંને સ્કોર બોર્ડને ફરતું રાખવાની સાથે નબળા બોલ પર પ્રહાર કરી રહ્યા છે.
ટ્રેન્ડિંગ સમાચાર
ટોપ સ્ટોરી
