ઝારખંડમાં 25 રૂપિયા સસ્તુ પેટ્રોલ મળશે, જાણો શું છે શરતો અને કોને મળશે આ લાભ

દેશમાં સતત વધી રહેલી પેટ્રોલ ડીઝલની કિંમતોથી કંટાળેલા લોકોને દેશના એક મોટો રાજ્યમાં ખૂબ જ મોટી રાહત મળી છે.

પ્રતિકાત્મક તસવીર

દેશમાં સતત વધી રહેલી પેટ્રોલ ડીઝલની કિંમતોથી કંટાળેલા લોકોને દેશના એક મોટો રાજ્યમાં ખૂબ જ મોટી રાહત મળી છે. ઝારખંડમાં મુખ્યમંત્રી હેમંત સોરેને મોટી જાહેરાત કરી છે કે રાજ્યમાં બીપીએલ કાર્ડ ધારકોને પેટ્રોલ 25 રૂપિયા સસ્તુ આપવામાં આવશે.

 

મુખ્યમંત્રીએ ​​કહ્યું કે પેટ્રોલ અને ડીઝલના ભાવમાં સતત વધારો થઈ રહ્યો છે, જેના કારણે ગરીબ અને મધ્યમ વર્ગના લોકો સૌથી વધુ પ્રભાવિત છે. તેથી, સરકાર રાજ્ય સ્તરેથી દ્વિચક્રી વાહનો માટે પેટ્રોલ પર ₹25 પ્રતિ લિટરની રાહત આપશે, તેનો લાભ 26 જાન્યુઆરી 2022થી શરૂ થશે. તેમણે કહ્યું કે આ નિર્ણયથી 1.25 કરોડ લોકોને ફાયદો થશે. 

મુખ્યમંત્રી હેમંત સોરેને કહ્યું  રાજ્યમાં બીપીએલ કાર્ડ ધરાવતા તમામ ટુ-વ્હીલરોને પેટ્રોલ 25 રૂપિયા સસ્તુ આપવામાં આવશે, આ સ્કીમ આગામી 26 જાન્યુઆરી 2022થી ઝારખંડમાં લાગુ કરાશે. આ અંગે મુખ્યમંત્રી હેમંત સોરેને ટ્વીટ કરીને આ અંગેની જાહેરાત કરી છે.   

તમને જણાવી દઈએ કે હાલમાં રાંચીમાં એક લિટર પેટ્રોલ 98 રૂપિયા 52 પૈસાના દરે વેચાઈ રહ્યું છે. તે જ સમયે, ડીઝલ 91 રૂપિયા 56 પૈસા પ્રતિ લિટરના દરે વેચાઈ રહ્યું છે.

આ પણ વાંચો..........