શોધખોળ કરો

Singham Again અને Bhool Bhulaiyaa 3 ના મેકર્સને મોટો ઝટકો, આ દેશમાં ફિલ્મ પર પ્રતિબંધ લાગ્યો, જાણો કારણ

આ ફિલ્મો દિવાળી પર બૉક્સ ઓફિસ પર ધમાલ મચાવશે પરંતુ સમાચાર એ છે કે સાઉદી અરેબિયામાં આ ફિલ્મો પર પ્રતિબંધ મુકવામાં આવ્યો છે

By : એબીપી અસ્મિતા વેબ ટીમ | Updated at : 31 Oct 2024 02:14 PM (IST)

(તસવીર- એબીપી લાઇવ)

1/7

Bhool Bhulaiyaa 3 Singham Again Release: કાર્તિક આર્યનની ફિલ્મ ભૂલ ભુલૈયા 3 અને અજય દેવગનની ફિલ્મ સિંઘમ અગેઈનને લઈને ઘણી ચર્ચા થઈ રહી છે. પરંતુ ફિલ્મને લઈને એક ખરાબ સમાચાર આવી રહ્યા છે. ફિલ્મ ભૂલ ભુલૈયા 3 અને ફિલ્મ સિંઘમ અગેન પર સાઉદી અરેબિયામાં પ્રતિબંધ મૂકવામાં આવ્યો છે. આ ફિલ્મોમાં કેટલીક ધાર્મિક બાબતો બતાવવામાં આવી છે અને આ પણ તેના પર પ્રતિબંધ મૂકવાનું એક કારણ હોવાનું કહેવાય છે.

2/7

1 નવેમ્બરના રોજ, ફિલ્મ સિંઘમ અગેન અને ફિલ્મ ભૂલ ભૂલૈયા 3 વિશ્વભરમાં રિલીઝ થશે. આ ફિલ્મો દિવાળી પર બૉક્સ ઓફિસ પર ધમાલ મચાવશે પરંતુ સમાચાર એ છે કે સાઉદી અરેબિયામાં આ ફિલ્મો પર પ્રતિબંધ મુકવામાં આવ્યો છે. બોલિવૂડ લાઈફના અહેવાલ મુજબ, ફિલ્મ સિંઘમ અગેઈન અને ફિલ્મ ભૂલ ભૂલૈયા 3 પર સાઉદી અરેબિયામાં પ્રતિબંધ મૂકવામાં આવ્યો છે. પિંક વિલાએ એક રિપોર્ટમાં આ વાતનો ખુલાસો કર્યો છે.

3/7

અહેવાલ છે કે ધાર્મિક સંઘર્ષ ટાળવા માટે સાઉદી અરેબિયામાં 'સિંઘમ અગેન' પર પ્રતિબંધ મૂકવામાં આવ્યો હતો. તે લોકોનું કહેવું છે કે તેમાં હિન્દુ-મુસ્લિમ વસ્તુઓ બતાવવામાં આવી હતી જે સામાન્ય લોકોને બતાવવા યોગ્ય નથી.

4/7

ફિલ્મ ભૂલ ભુલૈયા 3 પર પણ પ્રતિબંધ મૂકવામાં આવ્યો છે. ફિલ્મમાં સમલૈંગિકતાને દર્શાવવામાં આવી છે, જે સાઉદી અરેબિયામાં દર્શાવવી યોગ્ય નથી. રિપોર્ટ્સ અનુસાર, કાર્તિક આર્યન ફિલ્મમાં હૉમૉસેક્સ્યુઅલ રેફરન્સનો ઉપયોગ કરે છે.

5/7

ભુલ ભુલૈયા 3 ફિલ્મમાં કાર્તિક આર્યન, માધુરી દીક્ષિત અને વિદ્યા બાલન લીડ રોલમાં જોવા મળશે. ફિલ્મના ગીતો પહેલેથી જ ધૂમ મચાવી રહ્યા છે અને ટ્રેડ વિશ્લેષકોનું માનવું છે કે દિવાળીના કારણે આ ફિલ્મ બોક્સ ઓફિસ પર જોરદાર કમાણી કરી શકે છે.

6/7

વળી, ફિલ્મ સિંઘમ અગેન પણ દિવાળી પર જબરદસ્ત ઓપનિંગ મેળવી શકે છે. અજય દેવગન, કરીના કપૂર, દીપિકા પાદુકોણ, રણવીર સિંહ, અક્ષય કુમાર, ટાઈગર શ્રોફ જેવા કલાકારો તેમાં જોવા મળશે.

7/7