Top 10 Flop Films 2023: 'તેજસ' થી 'શહેજાદા' સુધી આ ફિલ્મોએ ડુબાડ્યા મેકર્સના કરોડો રૂપિયા, જોરદાર રીતે થઇ ફ્લૉપ

આ આર્ટિકલમાં જાણીએ કઇ ફિલ્મોએ આ વર્ષે પોતાના મેકર્સના કરોડો રૂપિયા ડુબાવ્યા છે, અને ફ્લૉપ સાબિત થઇ છે...

તસવીર (સોશ્યલ મીડિયા પરથી)

10 Biggest Flop Movies 2023: વર્ષ 2023 પુરુ થઇ રહ્યું છે, આ વર્ષે બૉલીવુડે એક કરતાં વધુ ફિલ્મો આપી છે. કેટલીક ફિલ્મો સુપરહિટ સાબિત થઈ હતી તો કેટલીક ફિલ્મો ખરાબ રીતે ફ્લૉપ થઈ હતી. આ આર્ટિકલમાં જાણીએ કઇ ફિલ્મોએ આ વર્ષે પોતાના મેકર્સના કરોડો રૂપિયા ડુબાવ્યા છે, અને ફ્લૉપ સાબિત થઇ છે...

આ યાદીમાં પહેલું નામ કંગના રનૌતની ફિલ્મ તેજસનું છે. આ ફિલ્મ 50 કરોડના બજેટમાં બની હતી પરંતુ આ ફિલ્મ માત્ર 4.25 કરોડ રૂપિયાની કમાણી કરી શકી હતી. આ ફિલ્મ એક મોટી દુર્ઘટના સાબિત થઈ.

અક્ષય કુમાર અને ઈમરાન હાશ્મીની ફિલ્મ સેલ્ફીમાં પણ આવી જ સ્થિતિ હતી. ફિલ્મનું બજેટ 100 કરોડ રૂપિયા હતું પરંતુ ફિલ્મે માત્ર 23.63 કરોડ રૂપિયાનું જ કલેક્શન કર્યું હતું. આ ફિલ્મ જોરદાર ફ્લૉપ સાબિત થઈ હતી.

'શહેજાદા' પણ બૉક્સ ઓફિસ પર ફ્લોપ સાબિત થઈ હતી. ફિલ્મનું બજેટ 70 કરોડ રૂપિયા હતું અને ફિલ્મે માત્ર 48 કરોડ રૂપિયાની કમાણી કરી હતી.

સલમાન ખાનની ફિલ્મ કિસી કા ભાઈ કિસી જાને 100 કરોડથી વધુની કમાણી કરી હોવા છતાં આ ફિલ્મ તેના બજેટને પાર કરી શકી નથી. ફિલ્મનું બજેટ 125 કરોડ રૂપિયા હતું અને ફિલ્મનું કલેક્શન 110 કરોડ રૂપિયા હતું.

આદિપુરુષની પણ આવી જ હાલત હતી. આ ફિલ્મ 600 કરોડના બજેટમાં બની હતી અને ફિલ્મે 250 કરોડનો બિઝનેસ કર્યો હતો. આ ફિલ્મને લઈને ઘણો વિવાદ પણ જોવા મળ્યો હતો.

મલ્ટિસ્ટારર ફિલ્મ 'કુટ્ટે' પણ ખરાબ રીતે ફ્લોપ થઈ હતી. 35 કરોડના બજેટમાં બનેલી આ ફિલ્મે માત્ર 5 કરોડની જ કમાણી કરી હતી.

અર્જૂન કપૂર અને ભૂમિ પેડનેકરની ફિલ્મ લેડી કિલર આ વર્ષની સૌથી મોટી દૂર્ઘટના સાબિત થઈ છે. ફિલ્મે માત્ર 1 કરોડ રૂપિયાનું કલેક્શન કર્યું હતું જ્યારે તેનું બજેટ 45 કરોડ રૂપિયા હતું.

ફ્લૉપ ફિલ્મોની યાદીમાં 'ભીડ'નું નામ પણ સામેલ છે. આ ફિલ્મે માત્ર 2 કરોડ રૂપિયાની કમાણી કરી હતી. જ્યારે ફિલ્મનું બજેટ 25 કરોડ રૂપિયા હતું.

કૃતિ સેનન અને ટાઈગર શ્રોફની ફિલ્મ 'ગણપત' પણ સુપર ફ્લોપ સાબિત થઈ હતી. 200 કરોડમાં બનેલી આ ફિલ્મ માત્ર 11 કરોડ રૂપિયા જ કલેક્શન કરી શકી હતી.

ભૂમિ પેડનેકરની ફિલ્મ 'થેંક્સ ફોર કમિંગ'ની હાલત પણ આવી જ હતી. આ ફિલ્મે 7.3 કરોડનો બિઝનેસ કર્યો હતો. આ ફિલ્મનું બજેટ 45 કરોડ રૂપિયા હતું. તમને જણાવી દઈએ કે આ ફિલ્મમાં શહેનાઝ ગિલ પણ જોવા મળી હતી.