ભારતે ઓસ્ટ્રેલિયાને 8 વિકેટે કચડીને બોર્ડર-ગાવસ્કર ટ્રોફી જીતી,સીરિઝ પર 2-1થી મેળવ્યો કબજો, જુઓ VIDEO

ધરમશાળા: ટીમ ઈંડિયાએ અંતિમ અને ચોથી ટેસ્ટ મેચમાં ઓસ્ટ્રેલિયાને 8 વિકેટે હરાવ્યુ હતું. આ સાથે જ ટીમ ઈંડિયાએ 2-1થી સિરીઝ જીતી લીધી છે. લોકેશ રાહુલ ઓસ્ટ્રેલિયા સામેની શ્રેણીમાં છઠ્ઠી અડધી સદી ફટકારી હતી. ટીમ ઈંડિયાએ આ મેચમાં જીતની સાથે ફરી એકવખત બોર્ડર-ગાવસ્કર ટ્રોફી જીતી લીધી છે.

તમને જણાવી દઈએ કે અત્યાર સુધી 13 બોર્ડર-ગાવસ્કર ટ્રોફી સીરિઝ રમાઈ છે. જેમાં ભારતે 7  મેચ જ્યારે ઑસ્ટ્રેલિયાએ 5 અને 1 મેચ ડ્રો થઈ છે. ગઈ વખતની બોર્ડર ગાવસ્કર ટ્રોફી ઑસ્ટ્રેલિયા જીત્યું હતું. જેના કારણે આ ટ્રોફી તેમની પાસે હતી. પરંતુ આ મેચ જીતતાની સાથે ઑસ્ટ્રેલિયા પાસેથી આ ટ્રૉફી છીનવાઈ ગઈ છે અને તે ભારત પાસે આવી ગઈ છે.