Republic Day 2024 Live: ગણતંત્ર દિવસ પર જેકેટ- જૂતાની થશે તપાસ, સુરક્ષાના રહેશે છ લેયર, આજ રાતથી દિલ્હીની સરહદો સીલ
Republic Day 2024 Live: દિલ્હી પોલીસ પાડોશી રાજ્યોની પોલીસનો પણ સહયોગ લઈ રહી છે. સુરક્ષા માટે અદ્યતન ટેકનોલોજીનો ઉપયોગ કરવામાં આવી રહ્યો છે
LIVE
Background
16 રાજ્યો અને કેન્દ્રશાસિત પ્રદેશોની ઝાંખી
અરમાનેએ કહ્યું કે પરેડમાં 16 રાજ્યો અને કેન્દ્રશાસિત પ્રદેશો અને 9 મંત્રાલયોની ઝાંખીઓ બતાવવામાં આવશે. આ રાજ્યો ઉત્તર પ્રદેશ, અરુણાચલ પ્રદેશ, હરિયાણા, મણિપુર, મધ્ય પ્રદેશ, ઓડિશા, છત્તીસગઢ, રાજસ્થાન, મહારાષ્ટ્ર, આંધ્ર પ્રદેશ, લદ્દાખ, તમિલનાડુ, ગુજરાત, મેઘાલય, ઝારખંડ અને તેલંગણા છે.
ફ્રાન્સના રાષ્ટ્રપતિ મુખ્ય અતિથિ છે
સંરક્ષણ સચિવ ગિરિધર અરમાને કહ્યું કે ફ્રાન્સના રાષ્ટ્રપતિ ગણતંત્ર દિવસની ઉજવણીના મુખ્ય અતિથિ છે. ફ્રાન્સની 95 સભ્યોની માર્ચિંગ ટીમ અને 33 સભ્યોની બેન્ડ ટુકડી પણ પરેડમાં ભાગ લેશે. ભારતીય વાયુસેનાના એરક્રાફ્ટની સાથે એક મલ્ટી રોલ ટેન્કર ટ્રાન્સપોર્ટ (MRTT) એરક્રાફ્ટ અને ફ્રેન્ચ એરફોર્સના બે રાફેલ ફાઇટર જેટ પણ ફ્લાય-પાસ્ટમાં ભાગ લેશે.
13,000 વિશેષ મહેમાનોને આમંત્રણ
સંરક્ષણ સચિવે કહ્યું કે આ વર્ષે લગભગ 13 હજાર વિશેષ મહેમાનોને પરેડમાં ભાગ લેવા માટે આમંત્રણ આપવામાં આવ્યું છે. આ એવા લોકો છે જેમણે સરકારની લગભગ 30 મોટી યોજનાઓનો લાભ લીધો છે. આ ઉપરાંત પેટન્ટ મેળવનાર નિષ્ણાતો, ઈસરોના મહિલા વૈજ્ઞાનિકો, સ્વાતંત્ર્ય સેનાનીઓ, ખેડૂતો અને આદિવાસી સમુદાયના લોકોને પણ આમંત્રણ આપવામાં આવ્યું છે. તેમણે જણાવ્યું કે કર્તવ્ય પથ પર પરેડ જોવા માટે 77 હજાર સીટોની ક્ષમતા છે. જેમાંથી સામાન્ય જનતા માટે 42 હજાર સીટો ટિકિટ દ્વારા બુક કરવામાં આવી છે. અત્યાર સુધીમાં 37 હજાર ટિકિટ વેચાઈ છે.
ગુજરાત પોલીસના 256 જવાનો મશાલ પીટી કાર્યક્રમ રજૂ કરશે
ગુજરાત પોલીસના 256 જવાનો 512 મશાલ સાથે ભવ્ય અને દર્શનીય મશાલ પીટી કાર્યક્રમ રજૂ કરશે. આ સાથે અશ્વ શો, ડોગ શો, બાઈક સ્ટંટ શો સહિતના કાર્યક્રમમાં પણ યોજવામાં આવશે.
પ્રજાસત્તાક દિવસે જૂનાગઢમાં થશે રાજ્યકક્ષાની ઉજવણી
75માં પ્રજાસત્તાક પર્વની રાજ્યકક્ષાની ઉજવણી જૂનાગઢમાં યોજાશે. આગામી 26મી જાન્યુઆરીના દિવસે રાજ્યપાલ આચાર્ય દેવવ્રતના અધ્યક્ષ સ્થાને આ સમગ્ર કાર્યક્રમ હાથ ધરવામાં આવશે. ગુજરાતના મુખ્યમંત્રી ભૂપેન્દ્ર પટેલ પણ આ કાર્યક્રમમાં ઉપસ્થિત રહેવાના છે.
ટ્રેન્ડિંગ સમાચાર
ટોપ સ્ટોરી
