Karwa Chauth Special Tips: ક્યાંક તમે પણ નથી લગાવી રહ્યાને નકલી સિંદૂર? જાણો કેટલું જોખમી છે આ

Karwa Chauth Special Tips: હિંદુ ધર્મમાં વિવાહિત મહિલાઓ અને સિંદૂરનું વિશેષ મહત્વ છે. કરવા ચોથના આ સમય દરમિયાન મહિલાઓ ઘણી ખરીદી કરતી હોય છે. પરંતુ આ દરમિયાન નકલી સિંદૂર બજારમાં આડેધડ વેચાઈ રહ્યું છે.

હવે તમને થશે કે શું ખરેખર નકલી સિંદૂર માર્કેટમાં વેચાઈ રહ્યું છે, તો તમારી જાણકારી માટે અમે તમને જણાવી દઈએ કે હા, નકલી સિંદૂર ખૂબ જ ઝડપથી માર્કેટ પર કબજો જમાવી રહ્યું છે. આને લગાવવાથી મહિલાઓને સ્વાસ્થ્ય સંબંધિત ઘણી સમસ્યાઓનો સામનો કરવો પડી શકે છે. નકલી સિંદૂરમાં ઘણા ખતરનાક કેમિકલ જોવા મળે છે. જે ઘણી સમસ્યાઓનું કારણ પણ બની શકે છે.

અસલી સિંદૂર કુદરતી રીતે બનાવવામાં આવે છે અને તેનો રંગ તેજસ્વી લાલ અથવા નારંગી-લાલ હોય છે. નકલી સિંદૂરમાં રસાયણો અથવા ચમક હોઈ શકે છે અને તેમાં ખતરનાક રસાયણો ભેળવવામાં આવ્યા હોઈ શકે છે અથવા રંગો હોઈ શકે છે. અસલી અને નકલી સિંદૂર વચ્ચેનો તફાવત જણાવવાની અહીં કેટલીક રીતો છે.

રંગ: અસલી સિંદૂર કુદરતી રંગ ધરાવે છે. જ્યારે નકલી સિંદૂર ખૂબ જ ચમકદાર, ગુલાબી અથવા ખૂબ ઘાટું હોઈ શકે છે. તેને લગાવવાથી તમારા માથા પરના વાળ ખરી શકે છે, તેથી સિંદૂર ખરીદતા પહેલા તેને તમારા હાથ પર ઘસીને પછી જ ખરીદો.

ગંધ: કુદરતી સિંદૂરમાં કોઈ તીવ્ર ગંધ હોતી નથી. તે એકદમ સામાન્ય હોય છે. તમે ઇચ્છો તેટલું તેને લગાવી શકો છો, પરંતુ કેમિકલ સિંદૂરમાં તીવ્ર ગંધ હોય છે. જે લગાવવાથી ઘણી સ્વાસ્થ્ય સમસ્યાઓ થઈ શકે છે.

સામગ્રી: વાસ્તવિક સિંદૂર કeમ્પીલકા છોડ, હળદર, ફટકડી અથવા ચૂનામાંથી બનાવવામાં આવે છે. નકલી સિંદૂરમાં લેડ ઓક્સાઇડ અથવા મર્ક્યુરી સલ્ફાઇડ હોઈ શકે છે. જે તમારા સ્વાસ્થ્ય માટે ખતરનાક બની શકે છે, માત્ર યોગ્ય બ્રાન્ડનું સિંદૂર જ ખરીદો. નકલી સિંદૂરનો રંગ તમારા હાથમાંથી સરળતાથી દૂર થશે નહીં. કેમિકલયુક્ત સિંદૂર ત્વચામાં ચેપનું કારણ પણ બની શકે છે.