Rain: ભારે પવનો સાથે માવઠું થવાની અંબાલાલની આગાહી, કેટલા જિલ્લામાં ક્યાં પડશે કમોસમી વરસાદ ?જાણો
Rain And Weather Alert: હવે આ ફેબુ્આરીમા પણ આ સિલસિલો યથાવત રહી શકે છે. અંબાલાલ પટેલે ગુજરાતના નાગરિકોને ચેતવણી પણ આપી છે
Rain And Weather Alert: ગુજરાતમાં ફરી એકવાર વાતાવરણમાં મોટો પલટો આવ્યો છે. આ સાથે જ રાજ્યમાં બેવડી ઋતુનો લોકોને અનુભવ થઇ રહ્યો છે. હવામાનકાર અંબાલાલ પટેલે મોટી આગાહી કરી છે કે આ મહિનામાં ગુજરાતમાં કેટલાક વિસ્તારોમાં માવઠુ થઇ શકે છે. અને જેના કારણે રોગચાળો પણ વધી શકે છે. આગાહી પ્રમાણે, આગામી 9 થી 11 ફેબ્રુઆરીમાં ફરી હવામાન પલટાય તેવી શક્યતા છે. 11 અને 12 ફરી ઉત્તર ભારતમાં હિમવર્ષા રહેતા સવારે ઠંડી રહેશે, અને કેટલાક વિસ્તારોમાં કમોસમી વરસાદ ખાબકશે.
ગયા મહિને જાન્યુઆરીમાં ગુજરાતમાં ઠંડી, ગરમી અને વરસાદનું તાંડવ કેટલાક વિસ્તારોમાં જોવા મળ્યુ હતુ, હવે આ ફેબુ્આરીમા પણ આ સિલસિલો યથાવત રહી શકે છે. અંબાલાલ પટેલે ગુજરાતના નાગરિકોને ચેતવણી પણ આપી છે. તેમણે કહ્યું કે, આ દિવસોમાં સવારે હિમાયળું હવામાન રહેશે. આગામી 9 થી 11 ફેબ્રુઆરીમાં ફરી હવામાન પલટાય તેવી શક્યતા છે. 11 અને 12 ફરી ઉત્તર ભારતમાં હિમવર્ષા રહેતા સવારે ઠંડી રહેશે. તો 19 ફેબ્રુઆરીથી ગરમીની શક્યતા દેખાઈ રહી છે. 19 ફેબ્રુઆરીથી 14 એપ્રિલ સુધી રોગીસ્ટ હવામાન રહેશે, જેથી લોકોએ સાવચેતી રાખવી જરૂરી છે. 23 થી ફેબ્રુઆરીના અંત સુધીમાં વાદળવાયુ અને કમોસમી વરસાદના એંધાણ છે.
હવામાન નિષ્ણાંત અંબાલાલ પટેલની આગાહી અનુસાર, આગામી બે દિવસ પવનની ગતિ વધુ રહેશે. મધ્ય ગુજરાતના ભાગોમાં પવનની ગતિ 15 કિમી પ્રતિ કલાકની રહેશે. ઉત્તર ગુજરાતના ભાગોમાં પણ પવનની ગતિ 15 કિમી પ્રતિ કલાકની રહેવાની શક્યતા છે. તો જુનાગઢના ભાગોમાં પવનની ગતિ 12થી 15 કિમી પ્રતિ કલાક રહેશે. દક્ષિણ ગુજરાતના ભાગોમાં પવનની ગતિ 16 કિમી પ્રતિ કલાક રહેવાની શક્યતા છે. કચ્છના ભાગોમાં પવનની ગતિ વધુ રહેશે. રાજકોટના ભાગોમાં પણ પવનની ગતિ 15 કિમી પ્રતિ કલાકની રહેશે. 8, 9 અને 10 તારીખે તાપમાનમાં વધારો થશે.
IMD એ 8 ફેબ્રુઆરીથી નવા વેસ્ટર્ન ડિસ્ટર્બન્સના સક્રિય થવા વિશે પણ માહિતી આપી છે, જે ઉત્તર-પશ્ચિમ હિમાલયને અસર કરશે. હિમાલયના વિસ્તારોમાં 8 ફેબ્રુઆરીથી 12-13 ફેબ્રુઆરી દરમિયાન હિમવર્ષા થશે. 6-7 ફેબ્રુઆરીની રાત્રે અરુણાચલ પ્રદેશ અને આસામમાં ગાજવીજ અને વીજળીના ચમકારા સાથે વરસાદની સંભાવના છે. 6 અને 7 ફેબ્રુઆરીએ દિલ્હીમાં તાપમાન થોડું વધુ ઘટશે, પરંતુ તે વધારે ઠંડી નહીં હોય. 8 ફેબ્રુઆરી પછી તાપમાનમાં ધીમે ધીમે 2-3 ડિગ્રીનો વધારો થવા લાગશે. આગામી દિવસોમાં દિલ્હીનું હવામાન સામાન્ય રહેશે.
આ પણ વાંચો
Gujarat: કાતિલ ઠંડીનું મોજુ ફરી આવશે, આગામી 48 કલાક ભારે, જાણો આજે ક્યાં કેટલું નોંધાયુ તાપમાન
ટ્રેન્ડિંગ સમાચાર
ટોપ સ્ટોરી
