Uttarkashi Tunnel Rescue: સુરંગમાંથી સુરક્ષિત બહાર આવેલા મજૂરોને મળશે એક રૂપિયા, બાબા બૌખનાગનું બનશે મંદિર, CMની જાહેરાત

Uttarkashi Tunnel Rescue: ઉત્તરકાશી સ્થિત ટનલમાં ફસાયેલા કામદારોને 17માં દિવસે ઘણી મુશ્કેલીઓ બાદ સુરક્ષિત બહાર કાઢવામાં આવ્યા હતા.

ફોટોઃ ટ્વિટર

Uttarkashi Tunnel Rescue: ઉત્તરકાશી સ્થિત ટનલમાં ફસાયેલા કામદારોને 17માં દિવસે ઘણી મુશ્કેલીઓ બાદ સુરક્ષિત બહાર કાઢવામાં આવ્યા હતા. જેના કારણે મજૂરોની સાથે વહીવટીતંત્ર અને પરિવારજનોએ પણ રાહતનો શ્વાસ લીધો છે. ટનલમાંથી બહાર આવેલા મજૂરો માટે વધુ એક રાહતના સમાચાર છે. ઉત્તરાખંડના સીએમ ધામીએ કામદારો માટે વળતરની જાહેરાત કરી છે. સરકાર તમામ મજૂરોને 1 લાખ રૂપિયાની સહાય કરશે.

मुख्यमंत्री श्री @pushkardhami जी ने रेस्क्यू किए गए श्रमिकों को गले लगाकर उनका अभिनंदन किया। पिछले कई दिनों से मुख्यमंत्री श्री पुष्कर सिंह धामी उत्तरकाशी में रहकर पूरे बचाव अभियान का स्वयं निरीक्षण कर रहे थे। pic.twitter.com/6X43FAN3RE

— Office Of Pushkar Singh Dhami (@OfficeofDhami) November 28, 2023

મુખ્યમંત્રીએ કહ્યું કે આજનો દિવસ મારા માટે ખૂબ જ ખુશીનો દિવસ છે. આજે હું શ્રમિક ભાઈઓ અને તેમના પરિવારો જેટલો જ આનંદ અનુભવું છું. તેમણે કહ્યું કે હું બચાવ કાર્ય સાથે જોડાયેલા દરેક સભ્યનો હૃદયપૂર્વક આભાર વ્યક્ત કરું છું. જેમણે દેવદૂત બનીને આ અભિયાનને સફળ બનાવ્યું હતું. તેમણે કહ્યું કે અમને ભગવાન બૌખ નાગ દેવતામાં શ્રદ્ધા હતી. તેમનું મંદિર પણ બનાવવામાં આવશે.

સિલ્ક્યારા-બડકોટ ટનલનો એક ભાગ 12 નવેમ્બરે તૂટી પડ્યો હતો.

ચારધામ યાત્રા રૂટ પર નિર્માણાધીન સાડા ચાર કિલોમીટર લાંબી સિલ્ક્યારા-બડકોટ ટનલમાં ફસાયેલા કામદારોને બચાવવા માટેના અભિયાનમાં 17મા દિવસે સફળતા મળી હતી. કામદારોને બહાર કાઢવા દરમિયાન મુખ્યમંત્રી પુષ્કર સિંહ ધામી અને કેન્દ્રીય માર્ગ પરિવહન અને રાજમાર્ગ રાજ્ય મંત્રી જનરલ (નિવૃત્ત) વીકે સિંહ પણ હાજર હતા. મુખ્યમંત્રીએ બહાર આવતા કામદારોને ગળે લગાડીને તેમની સાથે વાત કરી હતી. બચાવ કાર્યમાં જોડાયેલા લોકોની હિંમતની પણ પ્રશંસા કરી હતી. મજૂરોને એમ્બ્યુલન્સ મારફતે સિલ્ક્યારાથી 30 કિમી દૂર હોસ્પિટલમાં સારવાર માટે લઇ જવામાં આવ્યા હતા. 

જો કે, કાટમાળની અંદર 47 મીટર સુધી ડ્રિલિંગ કર્યા પછી ઓગર મશીનના ભાગો કાટમાળની અંદર ફસાઈ ગયા હતા અને બચાવ કામગીરીમાં અવરોધ ઉભો થયો હતો. હૈદરાબાદથી પ્લાઝમા કટર મંગાવીને મશીનના ભાગોને કાપીને અલગ કરવામાં આવ્યા હતા અને ત્યારબાદ સોમવારે 'રેટ હોલ માઈનિંગ' ટેકનિકની મદદથી હેન્ડ ડ્રિલિંગ શરૂ કરવામાં આવ્યું હતું, ત્યારબાદ કાટમાળમાંથી પાઇપ પસાર કરવામાં સફળતા મળી હતી. બચાવ અભિયાનમાં NDRF, SDRF, BRO, RVNL, SJVNL, ONGC, ITBP, NHAIDCL, THDC, ઉત્તરાખંડ સરકાર, જિલ્લા વહીવટીતંત્ર, આર્મી, એરફોર્સ સહિત અનેક સંસ્થાઓએ બચાવ કામગીરીમાં મહત્વની ભૂમિકા ભજવી હતી.